Vèsè popilè nan Bib la ki soti nan Jon, echî 6

Pataje

Kən Jisos a sə́re ábho se, “Mme nâ n di édî ekpin. Nne nnyo á bha mbâ amé, njaé a rô kpó yam yê bhúghí-bhúghí. Nne nnyo á yuŋ ḿbə́ŋé a kî na mme, a rô fon ekot kpe ka ejûm jə́t.

Nji é kára ekpin a ri ńtʉgântʉ Obhasi. Ń ka chot nchot mfoné ngu-biji edíím, kən achot mma ń səra ên áno nâ á kí karé ên ńtʉgântʉ Obhasi na ekpin.

Nne a kâ kî ḿbə́ŋé ka édî nji kpe é káe nan é kí bhip. Kî ên ḿbə́ŋé ka édî nji é bhó bhip ka ótúm-ótúm. Ntʉ́ghi édî njí nâ Mmon-i-ntem-nne a kí karé ên. A fôn ikom ka ekarám ńjə́ne, ka Obhasi Ńsé yê ḿfoné a kâm ta a tóŋe eriŋ.”

Ka etʉri, ejûm nji Ńsé omé a wóme é rî sê, kpe énê nnyo a yéne Mmon owe, a yûŋ ḿbə́ŋé a kî na yê, a kí fon ekpin ótúm-ótúm. Mme tîk n yîm yê a chə́bhe njəm ka ekpin ka nsígha-njəm ofú.”

A táme se, “Ńgyê etûm nji Obhasi a wóme ên se ó yîm. Yuŋ ên ḿbə́ŋé kî na nne nnyo yê a túmi.”

Kpe énê nnyo Ńsé omé a karê mbâ amé, a kə́ bha mbâ amé. Nne fə́ne kpe nnyón nnyo á bhak mbâ amé, ḿ bó bhim yê a chəbhé njəm.

Kən ḿgbán owe yót a kamá se Simun Pita a táme se, “Ntûfâm, e kí kpo maghé wâ é jî mbâ énê? We nâ o fonê nchot nnyi a kí karé ekpin ótúm-ótúm.

Mme nâ n di édî nji é kára ekpin. N dʉ mbâ Obhasi m bák ka nsi. Kpe énê mân nnyo á di édî njí, a kí fon ekpin ótúm-ótúm. Édî njí a ri biji ibhámé mbi n kí karé bəre ane ngun á fôn ekpin.”

Kpe nne yót nnyo a kə́ bha mbâ amé cháŋ, təm Ńsé nnyo a túmi ə̂m a tʉ̂ yê a bhák. Nne fə́ne nnyo á bha mbâ amé, n kí yim yê a chə́bhe njəm ka ekpin ka nsígha-njəm ofú.

Ka nan? Édî nji Obhasi á kará a ri nne nnyo á dʉk ka ósô se a bhá karé ekpin ka ngun nnyí.”

Mme nâ n di édî ekpin.

Jisos a kô mân brêt ányi a káre ekûp mbâ Obhasi, a kíri a káre ane chénchén mba á kûn áfo. A kô fə́ne nsí nnyí ébháe, a yîm ekpak njí jə́t. Ane mbá chénchén á dî á gyʉ́ri. Á kpó di á gyʉ́rí, a sə́re ágbán abhê se á bhúp akpât édî mma á kə́re. Se á kâ bhíbhi édî obhíbhí.

Ágbán mbá á bhúghi nkóé ń kí si ejûm noŋ ńsá na ńnî. Á kpó to á yén, Jisos a kí jen njəm-ósô ayép a bhák mbâ okpi ábho. Efup é súi ábho biji. Kən Jisos a sə́re ábho se, “Ka fûp ên chichi, a ri mme áno.”