Vèsè popilè nan Bib la ki soti nan San Juan 4

Pataje

Nina ne, Hasen me. Hane xuta xi faharcun rë me ne, hatuxa meje rë xi Hasen rë Nina cuisecoo rë me xi cjuaharcun me Nina cojo cjuaquixi. ―‍Cuatjin cachja Jesús.

Cuechú nixtin o ha hisca cavechú nixtin xi xuta xi cjuaquixi xi faharcun me Nina Nahmi naja ne, Hasen rë Nina cuisecoo rë me xi cjuaharcun me Nina cojo cjuaquixi. Ha cjuaquixi ta xuta xi cuatjin sahmi me ne, me vëhë xi meje rë Nina Nahmi naja xi cjuaharcun rë me.

Peru xuta xi cuihi me nandá xi suá ngahan ne, hatuxa ha quihndë tsajin nu tsajin nixtin xi cuya cumaxinda nga rë me ta nandá xi suá ngahan ne, cuma sacuaha ngu nandá xi ña vangatë xi sua rë me cjuahñu xatsë. ―‍Cuatjin cachja me.

Ngajan xi Jesús ne, cuitjin cafayangui me tsëhë na: ―‍Sa xi ngayun hyun cjuatjo xi Nina sua me hacuaha hyun yo ngahan xi tifehya nuju nandá ne, ngahan cachjahyun ná nandá, hane ngahan casuá nuju nandá xi sua cjuahñu. ―‍Cuatjin cafayangui Jesús.

Hane Jesús ne, cuitjin cachja me cojo xuta ladu rë me jan: ―‍Jemu chuya rë xahasen naja xi chinë niñu. Peru ngahan ne, hitsë sa chuya rë xahasen naha xi sahme sacuatjin meje rë me xi catsingatju ná, hacuaha hitsë sa chuya rë xahasen naha xi tsinguíjnetaha xa xi casua ná me.

Hane na vëhë ne, cuitjin cachja na: ―‍Tatá, peru ndava nandá vi ne, jemu nungun, hane tsajin quichuhun mé xi naxun cojo nandá. ¿Jani naxun nandá xi sua cjuahñu vë ni?

Hane chjuun jan ne, cuitjin cachja na cojo Jesús: ―‍Ngahan ne, ha hvë xi cuinduva Me xi Tsingatju Nina, me xi hmí rë Cristu. Hane hya xi cuinduva me vëhë ne, suacuenda naja me yëjë ni cjuatacun. ―‍Cuatjin cachja na. Ngajan xi Jesús ne, cuitjin cachja me cojo rë na: ―‍Ngahan xi tichjá cojo nuju vi ne, ha ngahan xi nújun vë. ―‍Cuatjin cachja me.

―‍Nduvun cuanguen chutsejen ngu me xi cachja cojo ná yëjë xcusun xi casahme. ¿Hacuiin hacui me vëhë xi Tsingatju Nina? ―‍Cuatjin cachja na.