Vèsè popilè nan Bib la ki soti nan Juan 14

Pataje

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Amayá songoykichikqa hukmanyachunchu. Diospiyá creeychik, creeychiktaqyá ñoqapipas.

Kallpanchakuq Chuya Espíritu ñoqapa sutiypi Taytaypa kachamusqanmi, ichaqa qamkunaman tukuy imata yachachisunkichik, hinaspam tukuy ima nisqaykunata yuyachisunkichik.

Kamachikuyniykunata yachaspa kasukuq runaqa kuyawanmi, Taytaypas kuyanqam chayna kuyaqniytaqa. Ñoqapas kuyaspaymi reqsichikusaq paywan.

Hinaptinqa mañakusaqmi Taytata huk kallpanchaqnikichikta kachamusunaykichikpaq. Paymi qamkunawan tukuy tiempo kanqa. Cheqap Espiritutaqa kay pachapi kaqkunaqa manam chaskinmankuchu, paykunaqa manam rikunkuchu nitaqmi reqsinkuchu. Qamkunam ichaqa reqsinkichik qamkunawan kasqanrayku, payqa qamkunapitaqmi kanqa.

Imatapas sutiypi Taytata mañakuptikichikqa ruwasaqmi, chaynapi Taytapas Churinpi hatunchasqa kananpaq. Sichum imatapas sutiypi mañakuptikichikqa ruwasaqmi.

Kuyawaspaykichikqa kamachikuyniykunatayá kasukuychik.

Taytapa kasqanpiqa achkam yachanapaq kachkan, mana chayna kaptinqa nikichikmanchá karqa, rispaymi qamkunapaq maypi yachanaykichikpaq allichamusaq

allicharamuspayñataqmi huktawan kutimusaq qamkuna pusanaypaq, chaynapi maymi kasqaypi qamkunapas kanaykichikpaq

Tomasñataqmi nirqa: Señorlláy, manam yachanikuchu mayman risqaykitapas chaynaqa ¿imaynataq ñantaqa reqsiymanku? nispa.