Vèsè popilè nan Bib la ki soti nan Jn 6

Pataje

Kixye li Jesus reheb': —Laa'in li yu'am wa. Ani taachalq wik'in ink'a' taatz'okaaq, ut li taapaab'anq we maajaruj taachaqiq re.

A' li musiq'ej nak'ehok yu'am; li tz'ejwalej maak'a' na'ok wi'. Eb' li aatin xinye eere a'an musiq'ej ut yu'am.

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Xb'aan naq a'an a'in li rajom linYuwa': naq yalaq ani taaril ru li K'ajolb'ej ut tixpaab', wanq xyu'am chi junelik, ut laa'in tinwaklesi chi yo'yo sa' roso'jikeb' li kutan.

Kichaq'ok li Jesus ut kixye reheb': —Li k'anjel naraj li Yos, a'an: naq chepaab' li taqlanb'il chaq xb'aan.

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

Kichaq'ok laj Simón Pedro ut kixye: —Qaawa', ani aj ik'in tooxik? Aawik'in wank li aatin nak'ehok li junelik yu'am.

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

Maa'ani naru nachalk wik'in, wi ink'a' k'amb'il chaq xb'aan li Yuwa'b'ej li kitaqlank chaq we; ut laa'in tinwaklesi chi yo'yo sa' roso'jikeb' li kutan.

Xb'aan naq li xwa li Yos a'an li nakub'e chaq sa' choxa ut naxk'e xyu'am li ruuchich'och'.

Laa'in li yu'am wa.

Toja' naq li Jesus kixchap eb' li wa, kiyoxink ut kixjek'i reheb' li k'ojk'ookeb' aran. Jo'kan ajwi' kixb'aanu rik'ineb' li kar; kixk'e reheb' jo'k'ihal li ke'raj. Naq ke'k'ojlaak xch'ool, kixye reheb' li xtzolom: —Xokomaq li rela' li wa, re naq maak'a' taatz'eqmanq.

Ak numenaq tana jun leew xb'eenikeb' chiru ha' naq ke'ril li Jesus yo chi b'eek chiru li palaw, ak taanach'oq chaq rik'in li jukub'. K'ajo' naq ke'xiwak. Ut li Jesus kixye reheb': —Laa'inin, mexxiwak!