Vèsè popilè nan Bib la ki soti nan Mateo 27

Pataje

Las tres chinequeja dyanetu Jesús jebuda quiquecuare: —Elí, Elí, ¿lema sabactani? (“Ecue Etata Yusu, ¿eje bucha juatsu mira jacahua?” jadique) —jadyatu quiquecuare.

Tuque majuyajudyatu Yusuja etare juque junuda eshuraque Dyaque Muidaque penequique chajatanacuare ebarucue eque emaque queja. Yahuatu bucucucuare. Tumu ebari cuanatu buribarecuare. Emaju cani cuanatu pacashatanacuare. Yusu queja ecatyati cuanaque emaju cuanaque tuna jetiama chacha netitsuranucacuare.

Tumetu Jesús quique pidya casada juatsu, amena ishu canajeti pidya juatsu majucuare.

Cien sudaru cuana cuatsashaquique Jesús naru juyaratu bacuare yahua bucucuyaju, dutya eje bucha juyaju. Tumebaedya umae cuana tuhua neticuare cuanara bacuaredya. Jadya juya baatsu tuna dyaque bajida jucuare. —Pusha ama cuitadya tucueri riyaque ecuita Yusuja Ebacuaque juhua, —jadya tuna jucuare.

Tumetu tumeque chinequeja, barepatya eque las tres chinequeja dutya yahua apunaterecuare.

—¿Tume ique ai juya Jesús tsehue? ¿Ai ique juya tunara Mesías bacani jadya aya tsehue? —jadya tujatu ecana bacaduracuare. —¡Curusuju tatamerecue! ¡Tuhua pamaju! —¿Eje bucha juatsu? ¿Ai tujatu jidama achine? —jadya tuna Pilatora acuare. Abacatanacuare ama tuna quiqueyaque: —¡Curusuju tatamerecue maju ishu!