Vèsè popilè nan Bib la ki soti nan Lucas 23

Pataje

Jesu jaara tari pijiosaariquiaa maca niyacutesanoocua, nojuajaari na Que Pueyaso sequeree: —¡Cua Quenaa, quia jiyanoori nio pojori! Majaari nojori niishiniu casaa na miitiuyani. Na nuhuaji, soldadohuari saitia tacuarishijioree, nojori niishiniuria taa nojori seraatianutaniya Jesu toqueni.

Jesuuri na riucuaree: —Seetanujuanaa quia sequeyanijia, quiarijiani, nio juucaja, quiaari cuata quiniutianiya shuquiriaatia quishaqui cutara.

Na nuhuaji, narta sesa miijia juaaniaari Jesu sequeree: —Jesunaa, majaari cua niyajetanuujua, Pueyaso jaara quia jiyatere Jiyaniijiajanaa quia quiniuria.

Jiyacarijiuhuaj, Jesuuri nacaree: —¡Cua Quenaa, cua sohuanu quia cojuare! Naa na sequenu nuhuajitij, Jesuuri cusoquee.

Nojoriiri puecoosaqui tiuquiijiosee. Cuniqui pueya puecoosaquini, na sesa quiquiaari “Pueyano Nacaco”. Nojoriiri tii Jesu teeteree maca niyacutesanojinia. Cuno caapiqui sesa miijiacaari teetejosaareejuhuaj, niquiriyatu na miaquetajara, tamonu na muenecara.

Panacari, ¡jiyari ninishiquiria quiquiaari puetunujuanaa, juhua niucua! Pananu piriuushacari, cuhuatemohuari. Jiya quishacarijia ninishiqui, jiyacaritij, Jerusalén tiacajinia Pueyaso Secojojua tiajinia, ¡jiyanohua shiquiiquia toquejiniji sohuacaari noojiaacoji sutequiaari puetunujuanaa querajaquera!

Romano soldadohua jiyaniijia niquishacari puetunu niojuanaa, nojuajaari maninia sequeree: —¡Seetanujuanaa, nio pueyanoqui sesa miyashijia quiquianu! Naa na sequesanoori Pueyaso shuquiritirii.