Vèsè popilè nan Bib la ki soti nan Juan 2

Pataje

Naa Jesu jatanishacari mohuaca vinoratej, cunoori coteenujuanaa na cumaacata na miishano quiquiaari Caná tiacajinia, Galilea jiyajinia. Nojuajaari naa niquitiquiaari Pueyasojiniji na cumaaca. Naacuajitij, canaa na saquiriojosano pueyani, canaari niishiquiaarini Jesuuri seetanujuanaa Pueyaso Jiyarosano.

Jesuuri na nucua riucuaree saaja: —Maajiniaa, ¿casaara quia sequeya janiyani? Juhuanojuaja maja cua poonijiosacari Pueyaso cumaacata.

Jesuuri pueya raatojonaa sequeree: —Mohuaca nia taquirioore. Niocua nio conaa mishinijiore. Pueya raatojonaari conaa mishinijioree. Mohuacaari conaa rupaacuma puecacosee. Jesuuri nojori sequeree: —Quiarijiani, tiji nia shuuri. Queranacunu camaru nia sanitiore coteenu. Raatojonaari na raatesee.

Jesuuri nojori riucuaree miriqui: —Pueyaso tia nia niyartare, janiyacua saaja jiuujianaraca juucajinia na tucuatarohua tianu tamajaajani.

Naa na niquishacari pueya miyano Pueyaso Secojojua tiajiniatej, Jesuuri seya morojotaja jiyocua tatucuaree. Na majacutajara na shitiareeri. Cunota, puetunu nojorijianaa jaacaree Pueyaso Secojojua tiajinijiiri, puetunu nojori borregohuatajanaa, mariyata puetunu nojori juyacatajanaanio. Cumaneeca rerecojoree jiyocuara juhuacutucuajinijiiri. Naajuhuaj, cumaneeca juhuacutucua caponeetareeri. Pojotaariquiaacuaari. Noseya niquitiojonaa pueya sequereeri: —¡Niiquiji nia patootare nio noseya! ¿Casaara nia jiyatecanu juhua casami niquitiojosaquiria cua Que tiani?