Vèsè popilè nan Bib la ki soti nan Lucas 20

Pataje

Xub'i'ij k'u ri Jesús chike: —Ya'a alaq che ri nimalaj taqanel re Roma janipa ri taqal che rire; yey ya'a k'u alaq che ri Dios janipa ri taqal che ri Dios —xcha'.

Pero ri Jesús lik xutzutza' kiwach y jewa' xub'i'ij chike: —¿Sa' k'u ri kab'i'ij alaq che wa tz'ib'ital kan chupa Rutzij Upixab' ri Dios? Ma jewa' kub'i'ij: E rab'aj k'aqital kan kuma raj yakal ja, e ab'aj wa' lik xajawaxik cha' katiki' lo ri ja kacha'.

«Lik chichajij iwib'; mi'an k'u iwe'ix pacha' ri kaki'an raj k'utunel re ri tzijpixab'. Ma rike lik kuk'ul kik'u'x ri kejurur chupa ri kiq'u' cha' kilitajik lik k'o kiwach. Lik kuk'ul kik'u'x ri kaya' rutzil kiwach pa keb'ilitaj wi. Yey pa taq sinagogas y pa taq wa'im e lik kuk'ul kik'u'x ri ketz'uyi' chupa ri tz'ulib'al ke ri lik k'o kiwach. Rike kakimaj ri kocho kik'olib'al rixoqib' e malka'nib'; yey cha' na kaq'alajin ta ri na utz taj kaki'ano, kakiwererej unimal ch'ab'al echiri' kaki'an orar. Ruma k'u wa kaki'ano, lik unimal k'axk'olil kakik'ul na echiri' kaq'at tzij pakiwi'» xcha'.