Vèsè popilè nan Bib la ki soti nan ᒨᓯᓯ ᓯᕗᓪᓖᑦ 1

Pataje

ᑕᕝᕙ ᒎᑎ ᐅᖃᕆᕗᖅ, “ᒫᓐᓇᓕ ᐃᓄᖕᒥᒃ ᐊᑦᔨᑦᑎᓐᓂᒃ ᓴᓇᓚᐅᕐᑕ, ᐅᕙᑦᑎᓐᓂᒃ ᐊᑦᔨᖃᐸᓗᖕᓂᐊᕐᑐᓂᒃ; ᐊᖓᔪᖅᑲᐅᓂᐊᕐᑐᓂᒃ ᐃᖃᓗᖕᓄᑦ ᐃᒪᕐᒥᐅᑕᓄᓪᓗ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐆᒪᔪᓕᒫᓄᓪᓗ ᓄᔪᐊᖏᑦᑐᓄᑦ, ᓄᓇᒦᑦᑐᓕᒫᓄᓪᓗ, ᐹᕐᖑᕐᑐᓄᓪᓗ ᑕᒤᓐᓂᒃ ᓄᓇᒥ ᐹᕐᖑᕐᑐᓕᒫᓄᑦ.” ᑕᕝᕙ ᒎᑎ ᓴᓇᕗᖅ ᐃᓄᖕᒥᒃ ᐃᒻᒥᑐᑦ ᐊᑦᔨᖃᕐᑎᓪᓗᒍ, ᑕᕝᕙ ᒎᑎ ᐊᑦᔨᒥᓂᒃ ᐃᓄᖕᒥᒃ ᓴᓇᕗᖅ; ᐂᑉᐹ ᐊᖑᑕᐅᓪᓗᒍ ᐂᑉᐹᓗ ᐊᕐᓇᐅᓪᓗᒍ ᓴᓇᕚᒃ.

ᒎᑎᐅᓪᓗ ᑖᒃᑯᐊᒃ ᓮᒻᒪᕐᑎᑉᐹᒃ, ᐅᖃᐅᑎᓪᓗᒋᒡᓗ, “ᕿᑐᕐᖏᐅᕆᑦᓯᒃ ᐅᓄᕐᑐᕐᔪᐊᓂᒃ ᓄᓇᕐᔪᐊᖅ ᑕᑕᓪᓗᒍ ᐊᐅᓚᓕᕐᓗᒍᓗ; ᐊᖓᔪᖅᑲᐅᕕᒋᓕᕐᓗᒋᑦ ᐃᖃᓗᐃᑦ ᐃᒫᓃᑦᑐᑦ ᑎᖕᒥᐊᓪᓗ ᖃᖓᑕᕙᒃᑐᑦ ᐆᒪᔪᓕᒫᓪᓗ ᓄᓇᒥ ᐊᐅᓚᕙᒃᑐᑦ.”

ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.

ᓄᓇᕐᔪᐊᕐᓕ ᐋᖅᑭᒃᓯᒪᓚᐅᓐᖏᓚᖅ ᓱᓇᑕᖃᕋᓂᓗ, ᐃᑎᔪᕐᔪᐊᒥᒃ ᑖᕐᑐᐊᓘᓪᓗᓂ; ᒎᑎᐅᓪᓗ ᐊᓂᕐᓂᖓ ᐃᖏᕐᕋᓚᐅᕐᐳᖅ ᐃᒫᓘᑉ ᖁᓛᒍᑦ.

ᒎᑎᓗ ᐅᖃᕐᐳᖅ, “ᖃᐅᒪᔪᖃᕐᓕ” ᖃᐅᒪᔪᒥᒡᓗ ᓴᖅᑭᑦᑐᖃᕐᐳᖅ.

ᒎᑎᐅᓪᓗ ᐱᓐᖑᕐᑎᑕᓂ ᑕᒪᕐᒥᒃ ᕿᒥᕐᕈᕔᑦ, ᑕᑯᓪᓗᒋᑦ ᓈᒻᒪᒋᒻᒪᕆᒃᐰᑦ. ᐅᓐᓄᐊᖑᓚᐅᕐᓗᓂ ᐅᓪᓛᖑᓕᕐᐳᖅ ᑕᕝᕙ ᐅᓪᓗᑦ ᐱᖓᓲᔪᕐᑐᖓᑦ.

ᒎᑎᐅᓪᓗ ᖃᐅᒪᔪᖅ ᕿᒥᕐᕈᒐᒥᐅᒃ ᓈᒻᒪᒋᕚ; ᒎᑎᐅᓪᓗ ᖃᐅᒪᔪᖅ ᐊᕕᑎᑉᐹ ᑖᕐᑐᒥᑦ

ᒎᑎᓗ ᐅᖃᕆᕗᖅ, “ᑕᑯᒋᑦ, ᑐᓂᓯᕕᒋᕙᑦᓯ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᓂᒃ ᑕᒤᓐᓂᒃ ᐱᕈᕐᓯᐊᒃᓴᓕᐅᕐᑐᓂᒃ ᓄᓇᕐᔪᐊᕐᒥ, ᓇᐹᕐᑐᓂᒡᓗ ᑕᒤᓐᓂᒃ ᐱᕈᕐᓯᐊᒃᓴᓕᖕᓂᒃ ᐸᐅᕐᖓᒥᖕᓂᒃ; ᑕᒪᒃᑯᓂᖓ ᓂᕿᒃᓴᖃᖁᓪᓗᓯ.

ᒎᑎᐅᓪᓗ ᖃᐅᒪᔪᖅ ᑍᕚ ᐅᓪᓗᒥᒃ, ᑖᕐᑐᕐᓗ ᑍᓪᓗᒍ ᐅᓐᓄᐊᒥᒃ. ᐅᓐᓄᐊᕐᓗ ᐊᓂᒍᕐᒪᑦ ᐅᓪᓛᓐᖑᕐᐳᖅ, ᑕᕝᕙ ᐅᓪᓗᖅ ᓯᕗᓪᓕᕐᐹᖅ.

ᒎᑎᓗ ᐅᖃᕆᕗᖅ, “ᐃᒪᖅ ᖁᓕᒥᐅᑕᕐᑖᕐᓕ ᐊᐅᓚᖏᑦᑐᒥᒃ ᐃᒪᐅᑉ ᕿᑎᖓᓂ, ᐊᕕᒃᓯᓗᓂ ᐃᒪᕐᒥᒃ ᐃᒪᕐᓂᒡᓗ.”

ᐊᒻᒪᑦᑕᐅᖅ ᐆᒪᔪᓕᒫᑦ ᓄᓇᕐᔪᐊᕐᒥ, ᑎᖕᒥᐊᓕᒫᓪᓗ ᖃᖓᑕᕙᒃᑐᑦ, ᐹᕐᖑᕐᑐᓕᒫᓪᓗ ᓄᓇᒥ, ᐊᓂᕐᑎᕆᔪᓐᓇᕐᑐᓕᒫᑦ ᓄᓇᕐᔪᐊᕐᒥ, ᐱᕈᕐᑐᓕᒫᑦ ᑐᖑᔪᕐᑐᑦ ᓂᕿᒃᓴᐅᖁᓪᓗᒋᑦ ᑐᓂᕙᒃᑲ.” ᑕᒪᓐᓇᓗ ᑍᒤᓕᕐᐳᖅ.

ᒎᑎᓗ ᐅᖃᕆᕗᖅ, ᖃᐅᒪᔫᖕᓂᒃ ᓴᖅᑭᑦᑐᖃᕐᓕ ᐊᐅᓚᖏᑦᑐᒥ ᕿᓚᖕᒥ ᐅᓪᓗᕐᓗ ᐅᓐᓄᐊᕐᓗ ᐊᕕᓯᒪᖁᓪᓗᒋᒃ; ᑖᒃᑯᐊ ᓇᓗᓁᒃᑯᑕᐅᓂᐊᕐᒪᑕ ᐅᑭᐅᖃᑦᑕᕐᑐᒧᑦ ᐊᐅᔭᕈᖃᑦᑕᕐᑐᒧᓪᓗ ᐅᓪᓗᓄᑦ ᐊᕐᕌᒍᓄᓪᓗ.

ᐊᒻᒪ ᒎᑎ ᐅᖃᕆᕗᖅ, “ᓄᓇᕐᔪᐊᖅ ᖃᓄᐃᑦᑐᑐᐃᓐᓇᕐᓂᒃ ᐱᕈᕐᑐᖃᕐᓕ, ᐱᕈᕐᑐᓂᒃ ᐱᕈᕐᓯᐊᒃᓴᖃᕈᓐᓇᕐᑐᓂᒃ, ᐸᐅᕐᖓᓕᖕᓂᒡᓗ ᓇᐹᕐᑐᓂᒃ ᐸᐅᕐᖓᖏᓪᓗ ᐱᕈᕐᓯᐊᒃᓴᖃᕐᓗᑎᒃ ᐃᓗᐊᒍᑦ, ᐊᑐᓂᑦ ᖃᓄᐃᑦᑑᓂᑎᒃ ᒪᓕᒡᓗᒋᑦ ᓄᓇᒥ.” ᑍᒤᓕᕐᐳᕐᓗ.

ᒎᑎᓗ ᑕᕝᕙ ᓴᓇᕗᖅ ᐊᐅᓚᖏᑦᑐᒥᒃ ᐊᕕᒃᓗᒋᑦ ᐃᒪᖅ ᐊᓪᓕᐅᓕᕐᓗᓂ ᐃᒪᕐᒥᑦ ᖁᓕᕆᔭᒥᓂᑦ ᑍᒤᓕᖓᓕᓚᐅᕐᐳᖅ.

ᓄᓇᕐᔪᐊᕐᓗ ᐱᕈᕐᑐᖃᓕᕐᐳᖅ, ᐱᕈᕐᑐᑦ ᐊᑦᔨᒥᖕᓂᒃ ᐱᕈᕐᓯᐊᒃᓴᓖᑦ, ᓇᐹᕐᑐᓪᓗ ᐸᐅᕐᖓᓖᑦ ᐱᕈᕐᓯᐊᒃᓴᓖᑦ ᐸᐅᕐᖓᒥᖕᓂᒃ, ᖃᓄᐃᑦᑑᓂᑎᒃ ᒪᓕᒡᓗᒋᑦ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.

ᒎᑎᓗ ᒪᕐᕉᖕᓂᒃ ᖃᐅᒪᑎᑦᓯᓂᕐᐹᖕᓂᒃ ᐱᓐᖑᕐᑎᑦᓯᕗᖅ, ᖃᐅᒪᓂᕐᓴᖅ ᐊᐅᓚᑦᓯᖁᓪᓗᒍ ᐅᓪᓗᒃᑯᑦ, ᖃᐅᒪᖏᓐᓂᕐᓴᕐᓗ ᐊᐅᓚᑦᓯᖁᓪᓗᒍ ᐅᓐᓄᐊᒃᑯᑦ; ᐅᓪᓗᕆᐊᓪᓗᑦᑕᐅᖅ ᐱᓐᖑᕐᑎᑉᐰᑦ.

ᒎᑎᓗ ᐅᖃᕆᕗᖅ, “ᐃᒪᕐᔪᐊᖅ ᕿᓚᐅᑉ ᐊᑖᓂᑦᑐᖅ ᑲᑎᓪᓕ ᐊᑕᐅᓯᕐᒧᑦ, ᓄᓇᓗ ᐸᓂᕐᑐᖅ ᓴᖅᑭᓕᕐᓕ.” ᑍᒤᓕᕐᐳᕐᓗ. ᒎᑎᐅᓪᓗ ᐸᓂᕐᑐᖅ ᑍᕚ ᓄᓇᕐᔪᐊᒥᒃ, ᐃᒪᖅ ᐊᑕᐅᓯᕐᒧᑦ ᑲᑎᓯᒪᔪᖅ ᑍᓪᓗᓂᐅᒃ ᐃᒪᕐᔪᐊᕐᒥᒃ. ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.

ᒎᑎᐅᓪᓗ ᓮᒻᒪᕐᑎᑉᐰᑦ, ᐅᖃᕐᓗᓂ, ᕿᑐᕐᖏᐅᓕᕆᑦᓯ ᐅᓄᕐᓯᓗᓯᓗ ᐃᒪᕐᕕᒃ ᐆᒪᔪᓂᒃ ᑕᑕᓪᓗᒍ, ᑎᖕᒥᐊᓪᓗ ᐅᓄᕐᓯᓕᑦ ᓄᓇᕐᔪᐊᕐᒥ.

ᒎᑎᓗ ᐅᖃᕆᕗᖅ, “ᓄᓇᕐᔪᐊᖅ ᐆᒪᔪᖃᕐᓕ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ; ᐱᓱᒃᑎᓂᒃ ᐹᕐᖑᕐᑐᓂᒡᓗ ᓄᓇᒥ ᓄᔪᐊᕐᑐᓂᒃ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ.” ᑍᒤᓕᕐᐳᕐᓗ.

ᒎᑎᓗ ᐅᖃᕆᕗᖅ, “ᐃᒪᖅ ᐃᒪᕐᒥᐅᑕᓂᒃ ᐆᒪᔪᖃᕐᓕ ᐅᓄᕐᑐᕐᔪᐊᓂᒃ, ᓯᓚᓗ ᑎᖕᒥᐊᖃᕐᓕ ᓄᓇᐅᑉ ᖁᓛᒎᑦ ᑎᖏᕙᒃᑐᓂᒃ ᕿᓚᖕᒥ ᐊᐅᓚᖏᑦᑐᒥ.”

ᒎᑎᐅᓪᓗ ᑕᒪᕐᒥᒃ ᑕᒪᒃᑯᐊ ᐱᓐᖑᕐᑎᑉᐰᑦ ᐆᒪᔪᐃᑦ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᐹᕐᖑᕐᑐᓪᓗ ᒪᓂᖅᑲᒥ ᐃᒻᒥᒍᑦ ᐊᑦᔨᒌᖕᓂᖏᑦ ᒪᓕᒡᓗᒋᑦ, ᒎᑎᐅᓪᓗ ᑕᑯᓪᓗᒋᑦ ᓈᒻᒪᒋᕔᑦ.