Vèsè popilè nan Bib la ki soti nan मत्‍ती 5

Pataje

लोग दिया पजारकै तसला के नीचे ना पर आरे मै रक्‍खैं हैं, तब उस्सै घर के सब लोगौ कै उज्‍जेरो पौंचै है। इसई तरै तुमरो उज्‍जेरो लोगौ के सामने चमकै कै बे तुमरे भले कामौ कै देखकै तुमरे अब्बा की, जो सुरग मै है, बड़ाई करैं।

तुम दुनिया की रौसनी हौ। जो सैहर पहाड़ मै बसो भओ है बौ छिप ना सकै है।

धन्‍न हैं बे, जिनके मन सुद्‍द हैं, कैसेकै बे परमेसर कै देखंगे।

धन्‍न हैं बे, जो धरमी होनै के ताँई भूँके और पियासे हैं, बे जी भरकै पांगे।

पर मैं तुमसै जौ कैरओ हौं, कै अपने दुसमनौ सै पियार रक्‍खौ और अपने सतानै बारौ के ताँई पिराथना करौ।

“धन्‍न हैं बे, जो मन के दीन हैं, कैसेकै सुरग को राज उनई को है।

धन्‍न हैं बे, जो मेल करबाबै हैं, बे परमेसर की औलाद कैलांगे।

धन्‍न हैं बे, जो सोक करैं हैं, कैसेकै उनकै तसल्‍ली देई जागी।

धन्‍न हैं बे, जो धरमी होनै के बजै सै सताए जावै हैं, कैसेकै सुरग को राज उनई को है।

धन्‍न हैं बे, जो दयालु हैं, कैसेकै उनके ऊपर दया करी जागी।

“धन्‍न हौ तुम, जब लोग मेरे कारन तुमरो अपमान करैं और सताँऐ और झूँट बोल बोलकै तुमरे बिरोद मै सब तरै की बुरी-बुरी बात करैं। तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

धन्‍न हैं बे, जो सीदे सादे हैं, कैसेकै बे धरती के अधकारी हौंगे।

“तुम धरती के नौन हौ, पर नौन को सबाद बिगड़ जाय, तौ बौ किस चीज सै नमकीन करो जागो, फिर बौ किसी काम को ना रैह जागो, सिरप इसके कै बाहार फैंको जाय और आदमिऔ के पाँऐऔं के नीचे खूँदो जाय।

इसताँई तुम सिद्‍द बनौ, जैसे तुमरो सुरग मै रैहनै बारो अब्बा सिद्‍द है।

पर तुमरी बात हाँ की हाँ, या ना की ना हो, कैसेकै जो कुछ इस्सै जादा होवै है बौ जो बुरो है बासै होवै है।

“तुम सुन चुके हौ, कै आँख के बदले आँख, और दाँत के बदले दाँत। पर मैं तुमसै कैरओ हौं, कै बुरे को सामनो ना करिओ, पर जो कोई तेरे खाने गाल मै चाँट मारै, उसकी ओर दूसरो बी फेर दे।

अगर तेरी खानी आँख तेरे ताँई पाप की बजै बनै है, तौ उसकै लिकारकै फैंक दो। भलो जौई है कै तुमरे अंगौ मै सै एक नास हो जाय, और तेरो सैरो सरीर नरक मै ना डारो जाय। और अगर तेरो खानो हात तेरे ताँई पाप को कारन बनै है, तौ उसकै काटकै फैंक दे, भलो जौई है कै तुमरे अंगौ मै सै एक नास हो जाय, और तेरो सैरो सरीर नरक मै ना डारो जाय।