Vèsè popilè nan Bib la ki soti nan ଲୁକ 6

Pataje

ବିନ୍ ଲକ୍‌ମ୍‍ନ୍‌କେ ଦାନ୍ କ୍‍ରା, ତ୍‍ବେ ଇଶ୍ୱର୍‌ ହେଁ ତୁମୁକେ ଦାନ୍ କ୍‍ରେଦ୍। ତ୍‍ବେ ତୁମି ବେସିକ୍‌ରି ହାଉଆସ୍ ବ୍‍ଲେକ୍ ମାଣେ ବ୍‌ଲ୍‌କ୍‍ରି ବ୍‍ର୍‍ତି କ୍‍ରି ନାହି ଦିଲେକ୍, ଲକ୍‍ମ୍‍ନ୍ ହେଁ ତୁମୁକେ ସେନ୍‍କ୍‌ରି ଦେତି, ବିନ୍ ଲକ୍‌କେ ଜ୍‌ନ୍‌କ୍‌ରି ତୁମିମ୍‍ନ୍ ନାହି ଦିଆସ୍ ସେନ୍‍କ୍‌ରି ମାପ୍‌ରୁ ହେଁ ତୁମୁକେ ନାହିକ୍‍ରି ଦେଇଦ୍।”

ଗଟେକ୍ ବ୍‍ଲ୍ ଲକ୍ ବ୍‍ଲ୍ ହୁର୍‍ଦୟ୍ ବିତ୍‌ରେହ୍‌ଣି ବ୍‍ଲ୍ କ୍‌ତାକେ ବାର୍ କ୍‍ରେଦ୍, ଆର୍ ଗଟେକ୍ କ୍‍ରାପ୍ ଲକ୍ ତାର୍ କ୍‍ରାପ୍ ହୁର୍‍ଦୟ୍ ବିତ୍‌ରେହ୍‌ଣି କ୍‍ରାପ୍ ବିଷୟ୍‌କେ ବାର୍ କ୍‍ରେଦ୍, କାଇତାକ୍ ମ୍‌ନ୍ ବିତ୍‌ରେ ଜୁଇରି ବ୍‌ର୍‍ତି ରେଇଦ୍, ସେ କ୍‌ତା ଟଣ୍ତ୍ କଇଦ୍।

ମ୍‍ତର୍ ତୁମିମ୍‍ନ୍ ତୁମାର୍ ଶ୍‍ତ୍‍ରୁମ୍‍ନ୍‍କେ ଲାଡ୍‌କ୍‌ରା ଆର୍ ସେମ୍‍ନ୍‍କାର୍ ଉପ୍‍କାର୍ କ୍‍ରା, ଆରେକ୍‌, ରୁଣ୍ ସୁଜ୍‍ତାର୍ ଆଶା ନ୍‌ରେକି କ୍‍ରି ରୁଣ୍ ଦିଆସ୍। ସେରି ଅଇଲେକ୍ ତୁମାର୍‌ମ୍‌ନ୍‌କାର୍ ଇନାମ୍ ବେସି ଅଇଦ୍ ଆର୍ ତୁମିମ୍‍ନ୍ ବ୍‍ଡ୍ ଇଶ୍ଵରାର୍ ହିଲା ଅଉଆସ୍, କାଇତାକ୍ ଇଶ୍ୱର୍‌ ଦନ୍ୟବାଦ୍‌ ନ୍‍ଦେତା ଲକ୍‌କେ ଆର୍ ଦୁଷ୍ଟ ଲକ୍‌ମ୍‍ନ୍‌କେ ବେସି ଦୟା କ୍‌ର୍‌ତି।

ତୁମାର୍‌ମ୍‌ନ୍‌କାର୍ ସ୍‌ର୍‌ଗାର୍ ଉବା ଜ୍‌ନ୍‌କ୍‌ରି ଦୟା କ୍‌ର୍‌ତା ଲକ୍, ତୁମିମ୍‍ନ୍ ହେଁ ସେନ୍‍କ୍‌ରି ଦୟା କ୍‌ର୍‌ତା ଲକ୍ ଅଉଆ।”

ଯୀଶୁ ସେମ୍‍ନ୍‍‍କେ ଆରେକ୍‌ କଇଲା, “ବିନ୍‌ଲକାର୍ ବିଚାର୍‌ କ୍‍ରାନାଇ, ତ୍‍ବେ ଇଶ୍ୱର୍‌ ହେଁ ତୁମାର୍ ବିଚାର୍‌ ନ୍‌କେରେ। ବିନ୍ ଲକ୍‌କେ ଦସି କ୍‍ରାନାଇ ତ୍‍ବେ ସେ ହେଁ ତୁମୁକ୍ ଦସି ନ୍‌କେରେ। ଲକ୍‌ମ୍‍ନ୍‌କେ କେମା କ୍‍ରା ତ୍‍ବେ ସେ ହେଁ ତୁମୁକେ କେମା କ୍‍ରେଦ୍।

ମ୍‌ତର୍ ଏବେ ଶୁଣୁଲାସ୍ ଯେ ତୁମିମ୍‍ନ୍, ମୁଇ ତୁମୁକ୍‌ମ୍‌ନ୍ କ୍‌ମ୍‌ଲେ, ତୁମିମ୍‍ନ୍ ତୁମାର୍ ଶ୍‍ତ୍‍ରୁମ୍‍ନ୍‍କେ ଲାଡ୍‌କ୍‌ରା। ଜୁଇଲକ୍ ତୁମୁକ୍‌ମ୍‌ନ୍ ଗିଣ୍ କ୍‌ର୍‌ତି, ସେମ୍‍ନ୍‍କାର୍ ଦ୍‌ର୍‌ମ୍ କ୍‍ରା। ଜୁଇ ଲକ୍‌ମ୍‌ନ୍‌ ତୁମୁକ୍‌ମ୍‌ନ୍ ଅବିଶାପ୍ ଦେତି, ସେମ୍‍ନ୍‍‍କେ ଆଶିର୍‌ବାଦ୍‌ କ୍‍ରା। ଜୁଇ ଲକ୍‌ମ୍‌ନ୍‌ ତୁମୁକ୍‌ମ୍‌ନ୍ କ୍‍ରାପ୍ ବ୍ଯବହାର୍ କ୍‌ର୍‌ତି, ସେମ୍‍ନ୍‍କାର୍ ଗିନେ ପାର୍‌ତେନା କ୍‍ରା।

ଲକ୍‍ମ୍‍ନ୍ ଜ୍‌ନ୍‌କ୍‌ରି ତୁମାର୍ ସ୍‍ଙ୍ଗ୍‍ କ୍‌ତାବାର୍‍ତା କ୍‌ରତ୍‌ବ୍‌ଲି ମ୍‍ନ୍‍କ୍‍ରୁଲାସ୍, ତୁମିମ୍‍ନ୍ ସେମ୍‍ନ୍‍କାର୍ ସ୍‍ଙ୍ଗ୍‍ ସେ ପର୍‌କାର୍‌ କ୍‌ତାବାର୍‍ତା କ୍‍ରା।

ଯେ ତୁମୁକ୍ ଗଟେକ୍ ଗାଲେ ଚାହୁଳ୍ ମାର୍‍ଲେକ୍, ତାକେ ଆର୍‍ଗଟେ ଗାଲ୍ ହେଁ ଦ୍‍କାଇ ଦିଆସ୍। ଆରେକ୍‌, ଯେ ତୁମାର୍ ଚାଦର୍ ନ୍‌ଇ ଗ୍‍ଲେକ୍, ତାକେ ତୁମାର୍ ଉହ୍‍ରେ ହିନ୍ଦ୍‌ତା ଆଙ୍ଗି ହେଁ ନେମ୍ କେ ମ୍‍ନା କ୍‍ରାନାଇ। ଯେ ହେଁ ତୁମୁକ୍ ମାଗେଦ୍, ତାକେ ଦିଆସ୍। ଆରେକ୍‌ ଯେ ତୁମାର୍ ସ୍‌ମ୍‍ପତି ନ୍‌ଇଜାଇଦ୍, ତାର୍ ତ୍‌ଇ ସେରି ଆର୍ ଗଟେତର୍ ଦାବି କ୍‍ରାନାଇ।

ଗଟେକ୍ ବ୍‍ଲ୍ ଗ୍‌ଚେ କ୍‍ରାପ୍ ହ୍‍ଳ୍ ହ୍‍ଳି ନ୍‌କେରେ, କି କ୍‍ରାପ୍ ଗ୍‌ଚେ ବ୍‍ଲ୍ ହ୍‍ଳ୍ ହ୍‍ଳି ନ୍‌କେରେ।

ସ୍‍ବୁ ଗ୍‌ଚ୍ ମ୍‌ନ୍‌କେ ତାର୍ ହ୍‌ଳ୍‌କେ ଦ୍‍କିକ୍‍ରି ଚିନା ଅଇଦ୍। କାଟା ଗ୍‌ଚେ ଅଙ୍ଗୁର୍ ହ୍‍ଳ୍ କି କାଟା କଳି ଗ୍‌ଚେ ହ୍‍ଣି ଡୁମ୍ବୁର୍ ହ୍‍ଳ୍ କଳି ନ୍‌କେର୍‌ତି।