Vèsè popilè nan Bib la ki soti nan SAN LUCAS 4

Pataje

“Ñucaca Diospac Espirituhuanmi cani. Taita Diosca ñucata acllashpaca, llaquilla causac huacchacunaman alli huillaita huillachun, shungupi llaquirishpa causaccunatapish alliyachichunmi cacharca. Prezu caccunamanpish, ña chaimanta llucshina tiyashcata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunpish cacharcami. Chashnallatac Taita Dios quishpichina punzha chayamushcata huillachunmi, ñucataca cacharca” nishcatami rizarca.

Chashna nicpimi Jesusca: —Dios Quillcachishcapica: ‘Canta Mandac Diosllata “allimari cangui” ningui, paillata servingui’ ninmi— nirca.

Chashna nicpi Jesusca: —Dios Quillcachishcapica: ‘Gentecunaca mana micunallahuanchu causanga’ ninmi— nirca.

Jesusca Jordán yacupi bautizarishpaca, Diospac Espirituhuanmi cutirca. Shinallatac Diospac Espíritu rina yuyaillata cucpimi, shitashca pambaman rirca.

Shina nicpi Jesusca: —Chashnallatac Dios quillcachishcapica: ‘Canta Mandac Taita Diostaca, ama caita chaita ruhuai nichun’ nicunmi— nirca.

Satanasca Jesusta pandachisha nicushpapish mana pudishpaca, asha punzhacunacaman saquishpa rircami.

Chashna nishca q'uipami, Satanasca jatun urcu jahuaman Jesusta pushashpa, shuc ñahui quimllaillapi cai pachapi tiyac tucui llactacunata ricuchirca. Chashna ricuchishpaca: —Cai tucui sumac llactacunata mandanataca, ñucamanmi cushca. Chaimanta ñucaca piman cusha nishpapish cushallami. Can ñucata cungurishpa ‘allimari cangui’ nicpica, tucui caicunata canman cushallami— nirca. Chashna nicpimi Jesusca: —Dios Quillcachishcapica: ‘Canta Mandac Diosllata “allimari cangui” ningui, paillata servingui’ ninmi— nirca.

Chashna nishca q'uipami, cutin Satanasca Jesusta Jerusalén puebloman pushashpa, Diosman mañana huasi jahuapi churashpaca: —Can Diospac Churitac cashpaca, caimanta shitari. Dios Quillcachishcapica: ‘Ama huactarichunca, Taita Diosca paipac angelcunata jarcachun cachangami. Can ama chaquillatapish rumipi chugririchunca, paicunami maquipi chasquinga’ ninmi— nirca. Shina nicpi Jesusca: —Chashnallatac Dios quillcachishcapica: ‘Canta Mandac Taita Diostaca, ama caita chaita ruhuai nichun’ nicunmi— nirca.