1
मेथा 7:7
ॱलोवा
“श्यी़ धेनी ख्यो़ला ॱनाङगीलाक, चो धेनी ख्यो़ला ॱङेगीलाक, घो दुङ धेनी ख्यी़ क्षीला पेगीलाक।
Konpare
Eksplore मेथा 7:7
2
मेथा 7:8
घीझ्येरी ॱनाना श्युगीन घीरीला थोप्कीलाक, चागीन घीरीला ॱङेगीलाक धेनी घो दुङगीन घीरीगी क्षीला घो पेगीलाक।
Eksplore मेथा 7:8
3
मेथा 7:24
“होझ्येरी ङी का देक्या ङेन्दी, झ्यीगीन घीरी, राङगी खाङबा फोङगीङगी खाला चीक्कीन, मी खेवा च्यीक च्योक्रे लाक।
Eksplore मेथा 7:24
4
मेथा 7:12
“होझ्येरी मी श्येम्मागी खेक्याला घारे झ्यीगीनगो दो़दी, होदेरेराङ श्येम्माक्याला झ्यी। देराङ क्षो़ठीम धाङ ॱङो़नस्येखेनक्याई तो़न्गीनगी दो़न दोरधी़गो लाक।
Eksplore मेथा 7:12
5
मेथा 7:14
हीना मीछेला क्यागीन घो नी, दोक्वा धाङ घाक्वा हुङालाक धेनी दे लाम ॱङेगीनक्या ङ्युङा हुङालाक।
Eksplore मेथा 7:14
6
मेथा 7:13
“घो दोक्वाने जु। घीझ्येरी ॱनाना तोरस्यीकला ठीक्कीन घो नी, याङा धाङ लाम नी लेल्हा हुङालाक धेनी देने जुगीनक्या माङा हुङालाक।
Eksplore मेथा 7:13
7
मेथा 7:11
होझ्येरी खेक्या ङेन्पा झ्येरीया राङगी टुवाक्याला ॱङेन्बा शाङा तेर स्येना, नाम्खे श्यीङखामदु श्युक्कीन ख्यी़ यापगी, खोङला श्यी़गीनक्याला घाजो़ माङा शाङा हो़गीनक्या ॱनाङी हेटु।
Eksplore मेथा 7:11
8
मेथा 7:1-2
“श्येम्माला क्यो़न ॱमाचुक, देरे झ्यीना को़न्क्षोकगी ठीम ख्यो़ला ॱमेफोक्कीलाक। घीझ्येरी ॱनाना ख्यी़ श्येम्माला घारे झ्येरी क्यो़न चुक्यी, देरेराङ ख्यो़ला ठीम चेगीलाक। ख्यी़ छे घाङ झ्येरी ग्याप्यी, होदे छेलाराङ ख्यो़ला ग्याप्कीलाक।
Eksplore मेथा 7:1-2
9
मेथा 7:26
हीना ङी ॱनागीन काक्या ङेन्दी, होदे च्योक्रे मीझ्यीगीनक्या, राङगी खाङबा भेमा खाला चीक्चा मी ॱलेन्पो च्यीक च्योक्रे लाक।
Eksplore मेथा 7:26
10
मेथा 7:3-4
राङगी ॱमीकला हो़गीन दुङमागोवा ॱमेथोङाला, राङगी पी़नगी ॱमीक नाङला हो़गीन स्यीङडुकगो, घीझ्येरी थोङाले? याङ राङगी ॱमीकला दुङमा हो़ती-हो़ती ख्यो़री पी़नला, ‘ख्यी़ ॱमीकने स्यीङडुक तो़न्दु च्युक,’ ॱनेरी घाङ झ्येरी ॱना थुक्वाले?
Eksplore मेथा 7:3-4
11
मेथा 7:15-16
“ॱङो़नस्येखेन शोक्पोक्याने शाप-शाप झ्यी। देक्या लुकगी पाउ घो़न्दी हुङालाक, हीना नाङने जीक्टाक्षे चुङगुक्या च्योक्रे हुङालाक। खुङक्याई ढेबुक्याने खेक्याई ङोस्येगीलाक। छेम्मागी दोङबोने घुन्डुम याङना ॱरेक्याने सेयाप दुवाले?
Eksplore मेथा 7:15-16
12
मेथा 7:17
होझ्येरी स्यीङदोङ शाङपोक्याने ढेबु शाङपो केलालाक हीना स्यीङदोङ ङेन्पाक्याने ढेबु ङेन्पा केलालाक।
Eksplore मेथा 7:17
13
मेथा 7:18
स्यीङदोङ शाङपोने ढेबु ङेन्पा धाङ स्यीङदोङ ङेन्पाने ढेबु शाङपो के ॱमीथुक्वालाक।
Eksplore मेथा 7:18
14
मेथा 7:19
ढेबु शाङपो ॱमेकेगीन स्यीङदोङ घीरी, च्येदी मेला ॱयुक्वालाक।
Eksplore मेथा 7:19
Akèy
Bib
Plan yo
Videyo