Vèsè popilè nan Bib la ki soti nan युहन्‍ना 16

Pataje

ङाः ङीमु डीक्‍ती ख्याक्याला खाम्साङा काःल्ज्युक लाःती ङाःइ दी तामक्या लाःतेरा एः। दी जाम्बुलीङला माःङ्बुरा तुःक्पु ज्योर्कुए। इःनाङ साहस पेःदो, ङाःइ जाम्बुलीङला क्याःल सीःङ्दी एः।”

इःनाङ तेःन्दामगीइ ला ओःङ्मीःजीक खुङगीइरा तेःन्दाम ची इःङे लाःकेन ताम ख्याक्याला सेच्युगेन एः। खुङगीइ राःङलाःम्‍ले चीङ मेःलाःप्केन एः, इःनाङ खुङगीइ ची कोःबा ओःखोरा ख्याक्याला लाःकेन एः, ओःले खुङगीइ तीङ्ला ओःङेन तामक्याङ ख्याक्याला लाःतेर्केन एः।

ताःसेथुप ख्याक्याइ ङाःइ मीःनला चीङ लाङ्दी म्याः। लाङ्दो, ओःले ख्याक्याइ ज्योर्केन एः। एःन्डुले ख्याक्याइ खाम्साङा छाङ्ज्युक।

इःनाङ ङाः तेःन्दामरा ख्याक्याला लाःके, ङाः दीलाःम्‍ले डोजेरा ख्याक्याइ लागी क्युःक्सो ओःङे चीलेलाःना ङाः माःकाल लाःना रोः पेःगेन चाङ्मा ला ख्याक्यासाःला मेःयुङेन एः। इःनाङ ङाः काःल्सी लाःना खुङला ख्याक्यासाःला ताङेन एः। ओःले खुङ ओःङ्मीःजीक लाःयोइ बारेला, कोन्ज्योइ तोःङ्ला डीक्पु एःक्योक तामगीइ बारेला ओःले ठीमगीइ बारेला जाम्बुलीङगीइ मीःक्या गलत एः लाःती तेङ्तेर्केन एः।

ओःन्डुलेरा ताःसे ख्याक्याला तुःक्पु ओःङ्‍गुए, इःनाङ ङाः फीर्च्या ख्याक्याला फ्रेकाला ओःङे, ओःले ख्याक्याइ सेम खाम्साङा ओःङेन एः। ओःले सुइयाङ ख्याक्याइ खाम्साङा ख्याक्यालाःम्‍ले फ्रोदी खेर्चे मीःखुए। ओः तेःकासु ख्याक्याइ ङाःला चीङ मीःटीःगेन एः। तेःन्दामरा ङाः ख्याक्याला लाःके, ख्याक्याइ ङाःइ मीःनला आबा ङीमु ची लाङ्बा, खुङगीइ ओःखो ख्याक्याला तेर्केन एः।

तेःन्दामरा ङाः ख्याक्याला लाःके, ख्याक्या ङुःगेन एः ओःले तुःङाल पेःगेन एः, इःनाङ जाम्बुलीङगीइ मीःक्यादी केःदाङ क्याःप्केन एः। ख्याक्याला तुःक्पु नेकेन एः, इःनाङ तीङ्ला ख्याक्या केःदाङ ओःङेन एः।