Vèsè popilè nan Bib la ki soti nan Yohanes 2

Pataje

Yesusdi tali me sisa dopra, pio telep anggur me, kange yawaramrenge ketekeipu ngeda, ada menmena nimi men kupmanto pel dopu. Apel dopunge deiyoda, ‘Angebo Allah er puto deiki di pel dorure, tenepkamnenge,’ tenepudi, apel nimi men kupmantonge dopu. Atep, Galilea tara neitamai Kana mutu di apel dopka deiki di, er ila mambul kupunge cap, pio telep kupunge cap, katuai kupra deipseue. Tonda, ukupupa, erdi wepra deipu neng epidi, er Yesus tep, ila di teka tenepidi, sun kange dipru er deikipu deipi.

Upepupa, Yesusdi tamupra pepu. “Ka nero, warya tep aupu pepmanerem do? Allahdi teneamneu taru kapul men kupnere,” pepu.

Aila me mau damai kupmaua cadi, Yesusdi akati pel melimna nesala tep upepu. “Tali me sisa gwepra, ame mau yuma dingdongopkurume,” pepu. Upeputopu, anengdi me weika di gwepra, nangantan bari ila me mau yuma dikdongopi. Konum dikdongopipa, Yesusdi aneng tep upepu. “Ukuda ame mau pumbon di ukutaru akupmau me gwepra, ner dona tep kalemna deiyo ngebo tep karerberume,” pepupa, aupu peiputopu kupi.

Upepipa, Yesusdi upepu. “Akatida, uruptaprumyopda, ue weneri tumi deiki di, ne kange di ton cap dopnedi, telep kupra deipkamne,” pepu.

Sun yuma ukunmaiya tep, Yesusda yu kupupa, tapu doprapudi, nimi bongona keca wipra, aneng sun nong deiki bongopra, bura tara enepra dokotenmau. Ada, ‘Allah karena ati damda, apel men dopkung’ tenen, aneng cap, sun sapi cap, domba cap yuma, bura tara dokotenmaue. Sun co bo kunupra dengdarami neng tep nengeda, sun meja tamupra yamuptapudi, sun gel uang yuma yamupra donokropu. Akeca kunumna neng peda, akati dam di bura tara enepra dokotenmau. Yal ma kunumai neng tep, “Ama dopra, bendopso. Ne nai Allah, er mambul atida, tali akeca-keca yuma kunumnai, pasar utopu ati gum tep, sun warya tep, akati damai akeca-keca yuma kunumarum do?” pepra wenepu.