Vèsè popilè nan Bib la ki soti nan Yohanes 19

Pataje

Karepipa, Yesusdi akeca konum meteka di jepu dingeda, aupu pepu. “Ukuda konuma,” pepudi, adipapu er giso dakra dorbeudi depu.

Yesus dakunmauanen, uda ‘Akeca-keca yuma konum kupmanenge,’ tenepudi, tonda, ‘Menop taru nabi nengdi, Allah upu sekami ngeda, ataru nong kupkur’ tenen, aupu pepu. Yesusdi, “Ne me putapnere,” pepra moropu.

Sun yuma atekmaiya neitamai di, Yesus er nin Maria cap, Yesus wepra deiamu ngebo, er dipru ila di kareamu ngebo cap kikiman tekreipa, Yesusdi epu. Epudi, er nin tep upepu. “Ne ka nero, kan mi adano,” pepu. Upepu dingeda, er dipru kareamu ngebo, er kabo sisa tenpu tep upepu. “Kao, kan nin atekmar adano,” pepu. Yesusdi upepka tep, er dipru kareamu ngebo gekepudi, ataru di dipra, doryankamu taru neitamai yumada, angebodi Yesus er nin kongpepupa, adipapu aner er atipu kikiman kuramupa, angebodi aner melimamu.

Ukupmaidi, ‘Yesus er yo ton copkup’ tenen, Yesus damai yanmai dinin, Yesus konum depmaua cadi, er yan kail yo men copi. Angepu gum dinin, tenpu jen talen ngebodi, lyom co dula di dopra, Yesus er kelamai lukra popupa, Yesus er yapi cap, me cap weika di embeu.

Uda, Yesus er yo men copi ngeda, ada nabi nengdi Allah upu menop taru sekaminge, ‘Nong kupkamre’ tenen, kupu. Anengda, tali mangkau kange doupra kupi dinin, Allahdi Yesus tep teneamutopu kupi. Allah upu Mazmur neitamaida aupu sekami. ‘Er yo tenpunge peda men copkamenge.’ Tonda, yuk buku Zakaria neitamaida, aupu ton sekami. ‘Er kelamai lukra popi ngeboda, epkamenge.’ Atep nengeda, Yesus er yo men copi ngeda, ada nabi nengdi Allah upu menop taru sekami ngeda, nong kupu.

Pilatusdi, aneng tep, Yesus karepupa, sun jen talena nengdi Yesus dubei. Dubeidi, Yesus er sengdin co karepipa, Yesus erdi dopra beu. Yesus cap banmaiyanen, mutu si Golgota mutu welerbei. Aramaik upu deiki di Golgota perami ngeda, amutu urasinda nimi giso yo utopu kwamu mutu tep, amutu sida, Golgota perami.

Bongopidi, takke weik keca dopra, kwaneprapidi, Yesus er giso deiki dekdongopi. Tonda, ataruda ila nimi deiyo nengdi, kunumna weik mirin opkal kemamenga utopu, Yesus er nong deiki aopkal utopunge dongopra deipmai.