Vèsè popilè nan Bib la ki soti nan Matthew 8

Pataje

Neħ, dih, naˑgo̱'yă̱ˑa̱h'seeh, A', naeh', goˑwaah' swahˑdyo̱ħs'? iis, ne niˑwaħ'aah ne swai'waˑgwĕnˑniˑyus'do̱sˑhăħ! Oˑnă̱h' thotˑgă̱'o̱h, hoˑĭs'daˑnii' ne găˑăˑhaħ, kuhˑne ga'nyiuˑdaeħ'; neħ, kuh, neh weˑsuħ' taħ'wa'dyeeħ.

Neħ no̱'wa̱ˑgoˑwaˑnă̱h ne sgat' deˑwă̱ħ'nyaħˑeeh niˑă̱n'na̱nˑdi detˑhos'nyĭĕħˑo̱h haˑwă̱', Syaħ'daˑgwĕnˑni'yuħ, suħˑjih weˑsuħ' dwaˑga'doħk' ne' neħˑhuh' ha'syo̱ħ' heˑdwakˑno̱h'sòt; neħ, gwa', sho̱, neħˑhuh' haħ'deˑgaˑye'iħ ne' sisˑnyĭĕt noˑwă̱'nosˑgaħ'ah, nă̱s'haˑdo̱ħ' naˑgeh'haħˑshăħ.

Neħ noˑnă̱h shaˑa'o̱k ne Jeˑsus, neħ neh waˑoˑi'wa'năˑăˑguħ, neħ, kuh, na'go̱'yă̱ˑa̱h'seeh no̱ˑwa̱'no̱nˑdăăˑdyĭĕħ, Doˑgă̱s' oħˑgwă̱'a̱s, tă̱ħ'ă̱h deħˑa'geˑgă̱ă̱h neħˑhuh' na̱'weˑsuħ'gă̱ˑa̱k na'yeˑyaħˑdă'ăħˑsek, a'yeˑi'waˑgwĕnˑniˑyus'thaak; tă̱ħ'ă̱h, haeh'gwah, ha'di'yaħˑdaˑdeħ ne Isˑraˑel.

Neħ, kuh, ne Jeˑsus haˑwă̱'a̱hˑseeh no̱'wa̱ˑgoˑwa'nă̱h ne sgat deˑwă̱ħ'nyaħˑeeh niˑă̱'na̱nˑdi, Saˑsah'dă̱nˑdih; neħ, dih, heˑniˑsaˑi'waˑgwĕnˑni'yusˑdo̱h neħˑhuh' niˑya'wă̱h he'syaħ'daˑdeħ. Neħ, kuh, no'haħ'shăħ shoˑjă̱ħ'do̱h ne' neħˑhuh' niˑdyu'ĭsˑdaħ'eˑna̱ħ.

Da neħ, dih, no̱'gweh wa'oˑdi'waˑnă'ăˑguħ, hă̱ˑna̱n'do̱h, A' naħˑo̱'gweħˑdoħˑdă̱ă̱ħ nă̱ˑgă̱'? neħ', waeh, ne gă'ăˑhaħ, neħ, kuh, ne ga'nyiuˑdaeħ' waˑot'ho̱nˑdaat.