Vèsè popilè nan Bib la ki soti nan Nugana 1

Pataje

Ta Eaubada ‘i ona, Tai ta da bubuna ‘ada ma‘ama‘aiau ‘atua, ‘ada ‘ita nadigega; ta si da loina ora ianina ‘edia be, mwatui manuina ‘edia be, iobai ‘edia be, bare‘u maibo‘ana ‘ena be, iage iauna si lookawara bare‘uia si kawakawara ‘edia be. Ta Eaubada tai ‘i mweruruina ‘ana ma‘ama‘aiau tauna ‘atua, Eaubada ‘ana ma‘ama‘aiau ‘atua ‘i mweruruina; me‘olotona ta mewainena ‘i mweruruidi.

Ta Eaubada ‘i ona‐obobomedi: ta Eaubada ‘i eonedi, wa da losiwa, ta wa da eiau, ta bare‘u wa da loemae, ta ‘ena wa da ewaiwai; ta wa da loina ora ‘ana iana ‘edia be, mwatui manuina ‘edia be, iage iauna maiawasidi bare‘uia si looniu ‘edia be.

Nuganaia Eaubada garewa ta gabura ‘i mweruruidi.

Ta bare‘u waboreborena ta kakaena; ta guguioi ni‘u ‘etanaia ‘i miami: ta Eaubada iaruiaruana ni‘u ‘etanaia ‘i alealeledadana.

Ta Eaubada ‘i ona Ma‘edana ‘i da apwesa: ta ma‘edana ‘i apwesa.

Ta Eaubada iage ‘e bweuna ‘e bweuna ni‘atu ‘i bubuna i ‘itena, ta, wa ‘ita, ‘i to bobo‘ana sana. Ta ni‘atu asuinuanua ta ni‘atu gonagona, asiata ‘e sikisi nina.

Ta Eaubada ma‘edana i ‘itena, ‘aene ‘i bobo‘ana: ta Eaubada ma‘edana ‘i wearina guguioiega.

Ta Eaubada ‘i ona, Wa ‘ita, pwatura iauna maatuna ia ‘ebwaemi, taudi bare‘u maibo‘ana matanaia si miami, kaiwe iauna ta, kaiwe maatuna uana ‘ena ‘i miami; ‘ami masura manuna

Ta Eaubada ma‘edana ‘i eesena Asiata, ta guguioi ‘i eesena Boiboi. Ta ni‘atu asuinuanua ta ni‘atu gonagona, ‘asiata ‘e bweuna.

Ta Eaubada ‘i ona, Bwagabwaga ‘i da apwesa ni‘u gamwagamwanaia, ta ni‘u be ni‘u ‘i da weari.

ta bare‘u bomitawana iauna ‘enaia, mwatui manuina iauna ‘enaia ta, iage iauna ‘i elookawara bare‘uia ‘enaia ta, ‘edia iawasidi ‘i miami, ni‘atu pwatura karakarawina iauna ia ‘ebwaedi ‘adi masura manuna: ta ni ‘atu ‘i nadigega.

Ta Eaubada ‘i ona, Maiare si da apwesa garewa bwagabwagana ‘enaia be ‘enega asiata si da weari boiboiega; ta si da ‘ewe‘iwe‘iiaia manudi be, tuta manudi be, asiata ta iakwara manudi be

Ta Eaubada ‘i ona, Bare‘uiega nedu ‘i da tabwama, pwatura maatuna, kaiwe uauana uana ‘i da uaua adelina nadigega, maatuna, bare‘uia: ta ni‘atu nadigega.

Ta Eaubada bwagabwaga ‘i bubuna, ta ni‘u bwagabwaga ‘ubunaia ta ni‘u bwagabwaga debanaia ‘i wearidi: ta nadigega ‘i apwesa.

Ta bare‘uiega nedu ‘i tabwama, pwatura maatuna adelina nadigega, ta kaiwe uauana, maatuna, adelina nadigega: ta Eaubada i ‘itena ‘i bobo‘ana.

Ta Eaubada maiare sinabwadi ‘e rua ‘i bubudi; maiare me sinabwana asiata ‘i da loine, ta maiare me gidarina boiboi ‘i da loine: wate kwadima ‘i bubudi.

Ta Eaubada ‘i ona, Ni‘u garewa ‘ubuninaia si da egogona esena ‘e bweuna ‘ena, ta bwa‘a iadaiadana ‘i da apwesa: ta ni‘atu nadigega. Ta Eaubada bwa‘a iadaiadana ‘i eesena Bare‘u; ta ni‘u ‘idi egogona ‘i eesena Ora: ta Eaubada i ‘itena ‘i bobo‘ana.

Ta Eaubada ‘i ona obobomedi, ‘i gwae, Wa da losiwa, ta wa da eiau, ta ni‘u oraia wa da loemae, ta manua si da eiau bare‘uia.

Ta Eaubada ‘i ona, Bare‘u ‘enega iage mwerumweruruina maiawasina ‘i da apwesama adelina nadigega, iobai, iage lookawarina ta, bare‘u bomitawana adelina nadigega ta: ta ni‘atu ‘i nadigega.

Ta Eaubada ‘i ona, Ni‘uia iage mwerumweruruidi maiawasidi si da iaudidigana, ta manua si da taea bare‘u ‘etanaia garewa bwagabwagana matanaia.

Ta Eaubada bare‘u bomitawana adelina nadigega ‘i bubuna, iobai adelidi nadigega ta, iage iauiauna bare‘uia si elookawara adelina nadigega ta: ta Eaubada i ‘itena ‘i bobo‘ana.