Vèsè popilè nan Bib la ki soti nan Matəw 6

Pataje

Asɨmə mbən kaba anó ufon ma nibi aghəy unó mbənə ukəʼə anigə u yi naʼ u aghəy mbəŋ ujum inen.

Anigə, mbən mə́ tumə ngwən inyo da aney asugə damugə aney asugə yə nə unó ma. Aney feyn feyn yə nə ingəʼ ma.

Anigə ayə ghayn inen kwi, ka mbən mə tumə ngwən inyo kwi amə ngiya mbən mi jəg kə nugə kə da ndwi kwi amə ngiya mbən mi zi. Aka itəni chigə ghəy jəgi, aka nyə̂ inyo chigə ndwi?

Asɨmə, Amaʼazənə ngwə bə mə kaba ichaʼara Nwiye, nyi ungɨŋ atəw na ighəbə ubunuʼ ichaʼara Mbaʼ ŋunə cha umə zən uŋwen. Anigə, Mbaʼ ŋunə umə zən unó mbənə ngwə mə aghəy anjim anjim yi choʼo afaʼa inigə.

Anigə, mbən ki chaʼara Nwiye akə nji zəŋ, ‘Ungwa mbaʼ ŋunə umə azobo, Ghəy kwi mba ni wumine ungwə ukum, Injə anó ufon zaʼa, Ba ughəy unó mbənə ngwə kaba akə igun isəg numugə umə aghəy azobo.

Naʼa ijəg tənə ikoʼoro ina akə̂choŋ.

Wa umba unó iboŋ, Numugə mba si wa unó iboŋ ba mbənə u aghəy anó iboŋ ina.

Ibeni ayə kwi anó moʼ kwaʼara ngwa, Asɨmə chiyə ngwa akə unó iboŋ.’

Mbən bə́ waʼ unó iboŋ ba umbi, úŋwen Mbaʼ ŋunə umə azobo yi waʼ umbən.

Mbən ney inen, cha imə kono u ghəy, cha imə jaŋa u ghəy iŋu cha ungɨŋ ingən. Anigə amə Mbaʼ ŋunə u mə azobo mə jəy iŋwen. Mbən waʼa ki chigə ŋwən akə inen?

Yeso ŋu imbəy ighayn kwi, “Ka mbən siy ngwən imbon akə igun isəg nu amə asin zənə ukod foro anyá mi chiŋe foro asin nu iji mi ito. Mbən siy imbon amə azobo nu amə asin zənə cha ukod kə anyá mi chiŋe nibə asin nu cha iji mi ito. Damugə, asin zənə injə imbon mə akuŋ, amə akuŋ injə fiŋ mə awu.”

Yeso ŋu imbey ghayn kwi, “Cha wa moʼ awu nu umə afaʼa abú umbaʼ faʼa ubigə, damugə u yi iban wa feyn iwuʼ feyn. Kə u yi mə faʼa abú wa feyn akə fiŋ ujum cha umi mə faʼa abú feyn akə fiŋ ujum. Cha amə aghəy ngwə ni faʼa abú Nwiye nibə faʼa kwi imə nə imbon.”

Amə Nwiye mə zi ndwi akə ufəʼ ŋunə u mə ikiʼi akə̂choŋ, asugə u maʼ ungɨŋ uwəd. Aka uŋwen mi na ndwi inen chigə mugə u mə zi abú ifəʼ? Injən ibeni fiŋ kaŋa ikweʼ!

Asɨmə ngwə bə naʼa aghəy moʼ abú wa ingəʼ, ibeni ayə kwi injə abugə kyabay kyay anó zənə abugə jəgi mə aghəy. Anigə aba ngwə mi kyay. Ngwə bə aghəy nigə, Mbaʼ ŋunə u zən anó zənə ngwə aghəy anjim anjim yi choʼo afaʼa inigə.”

Yeso gha ghayn abú mbə́ məŋə-anó ma kwi, “Mbən num amaʼ kwi ka mbən aghəy ngwen unó mbənə ukəʼərə ifigi ba aba kwi uzən gwen.” Mbən bə aghəy nigə, nji cha Mbaʼ ŋunə umə azobo mi choʼo ma afaʼa inen.

Yeso ŋu imbəy ni ghayn kwi, “Amaʼazənə mbən mə ijiyə injəy, mbən mə miyə ngwən ifigi numugə ba figə unó mə aghəy. Umbə miyə ifigi uma da ba zən kyay kwi umbə ijiyə injəy. Ayə ghayn asiʼ inen kwi, mbə si choʼo afaʼa uma. Amaʼazənə mbən mə ijiyə injəy, mbən səw injən ifigi, iswiʼi injən atəw, da ka ba kyay uma kwi mbən yə ijiyə injəy. Aba ungwən Mbaʼ ŋunə cha umə zən mi kyay. Anigə ungwən Mbaʼ ŋunə umə zən afaʼa zənə mbən mə faʼa yi choʼo afaʼa inen.”