Vèsè popilè nan Bib la ki soti nan Jon 1

Pataje

Asɨmə umbi moʼ num uŋwən nibi beni unó mbənə yə́ mə ighayn, anigə yə naʼa ikay abú úŋwən uma jum kwi amə buŋ Nwiye.

Ki Nwiye sə ŋu tana isəg, wa ŋunə mbə́ mə́ tiya akə Inayn yə mə awu. Inayn wu mə́ nə Nwiye. Inayn wu mə Nwiye.

Uzayn zayn yə tey ungɨŋ isəg firi, anigə cha aghəy moʼ amə ghəy isəg firi niy uzayn zayn wu.

Inayn wu beŋe akə wa inyoŋ atəw, ichomo inja kaʼa. Mba zən iwumini ma nu amə iwumini zənə yə mə abú uŋwən numugə uŋwən mə aba Ŋwə̂ feyn ŋunə yə́ mə abú mbaʼ Yə́ mə aghəy ichuŋ nibə ghayn asiʼ da Nwiye abú ba.

Nwiye tana ughəy ujum anjim Inayn wu, anigə cha ghəy moʼ Nwiye tana nu yə ki chigə ma anjim ma. Itəni yə zaʼa akə Inayn. Itəni wu yə naʼa uzayn zayn abú ba.

Aney zənə aniŋe akuŋ, Jon zən Yeso umə zaʼa abú uŋwən. Anigə yə ghayn kwi, “Mbə zən, uŋwən mə Ŋwə̂ injəg Nwiye ŋunə u aghəy kwi Nwiye waʼa unó iboŋ ba jum ungɨŋ isəg.

Inayn zənə wu mə ungɨŋ isəg, anigə Nwiye chigə anjim ma tana isəg. Asɨmə cha ba ungɨŋ isəg kyay uma wa ŋunə amə uŋwən. Yə ŋu ungɨŋ ubey ma, asɨmə cha ba abey ma num uma uŋwən.

Uzayn zayn wu amə uzayn zayn asiʼ nu yə zaʼa ungɨŋ isəg, nibi tey igun ba jum.

Nwiye naʼ unoʼo anjim Mose, asɨmə ichuŋ nə asiʼ zaʼa anjim Yeso.