Vèsè popilè nan Bib la ki soti nan Lwiikö 14

Pataje

«‑Ɔ ‑kä ɔ ‑kaa ‑gänɩ nʋʋ, ɛ ‑kä ɔ dɩba, ɛ ‑kä ɔ ‑da, ɛ ‑kä ɔ 'lɛnglɛ, ɛ ‑kä ɔ yuë, ɛ ‑kä ɔ nyɩbhɛlʋdaayuë, ɛ ‑kä ɔ nglʋdaayuë, n ‑nyʋä 'sɔ a dɔ'wʋ, 'mö ɔ ‑kä tenyii ‑wa, 'n ɔ 'nɩ'ɛ ɔnyɩ dlɩ ‑sɛɛ, ‑sɩbhä a nɩkpɛ 'la 'nɩɛ bhɛnɩ ɔ ‑kaa ‑gänɩ.

‑Ɔ 'nɩ 'ɔ 'klʋkʋnɩsuu ‑su, nzɩɩ ɔ ‑kaa ‑gänɩɩ, ɔ'ɔɔ bhɛnɩ ɔ 'kä na ‑gänɩnyɔ glɩnɩ.

Nza n gbää nɩɩ, ‑ɔ ‑kä ɔnyɩ 'kɔdɔ 'mö 'wʋ 'libhïï, Lagɔ dʋdʋ 'wʋ ɔ 'kɔɔ ‑lɛ. ‑Maa ‑ɔ ‑kä ɔnyɩ 'tikëyi 'mö 'wʋ 'libhïï, 'mö Lagɔ 'kää 'kɔdɔ 'wʋ 'zʋa.»

Nza n gbää nɩɩ: ‑Ɔ ‑kä ɔ ‑kaa ‑ganɩ nʋʋ, sɛ ‑bhʋlʋ ‑kpɔ 'la ‑sɩbhä ɔ nɩ 'pä sasɛ dlɩ. ‑Maa ɔ 'nɩ 'wʋ ngulu ɔ 'kä 'ɔ ‑lii 'wuë kɛ'mö ‑sɛɛ, ɔ'ɔɔ bhɛnɩ ɔ ‑kaa ‑gänɩ.

Zaa, a nɩ 'päni dlɩ kɛ, ‑maa a gla'mö a nɩkpɛ ‑kä ‑budu 'kɔdʋ 'sɩbhää yii, sɛ ɔ zʋä, a ‑yi ‑sɩbhä. Sɛ ɔ glɩɛ 'tɩɩ, moni ɔ 'kää plɩɩ, 'n ɔ bhëgee, 'saa ɔ kää ‑käa ‑zu a za. ‑Maa 'n 'ɔ monii 'nɩ ‑zuu, ɔ ‑kä ‑buduu tɛɛ 'wë, ɔ 'nu zɛmö bhɩɛɛ, nɩkpa 'wuë ‑wa 'kʋä 'ylɩmöö, nyɩɛnɩ wa 'kɔɔ nyɩɛnɩ. Sɛ'ɛ wa 'kää nɩɩ: Nɩkpɛ ‑mɔ nɩ, ɔ yɛ libho tɛɛ 'wë, ‑maa ɔ'ɔa'a bhɛnɩ ɔ 'kʋ zɛmö bhɩɛ.

‑Maa ‑n ‑kä lile 'käda pi n‑n ‑kä nɩkpa wäzɩɩ, wäzɩ 'pʋäwaa, wäzɩ kpälɛkpälɛwaa, wäzɩ bhʋgbëyikäwaa, wäzɩ 'kukwlekäwaa. Nɩkpa 'la mö ‑n ‑kä wäzɩɩ, 'saa ‑n 'nyʋää da'a, wa'aa bhɛnɩ wa 'kä yɩ gbʋ ‑sɛ zaa ‑na'a ‑jɔlʋ. Ɛ'ɛ ‑bhö nyɩasɛ, ‑maa ‑wa zlɔnɩɛ 'mö Lagɔ a 'yila 'klʋ a dɔ'wʋ ‑wa 'kuä, ‑zlɩ Lagɔ ‑kʋä glu ‑sɛɛ, ɔ ‑yimö ‑lɛ a 'ylimö a ‑lu 'nyɛ.»

Gïbhïï, ‑li a ‑li yɩ glɩnɩɛ. ‑Maa yɩ ‑kä 'lʋngli bhɩɛɛ, 'saa wa 'kɩ bhä 'mö zʋ yɩ 'kä 'sɔ mɛnɩmanɩ 'nɩ? Yɩ ‑kä 'lʋngli bhɩɛɛ, yɩ'ɩa'a dɛsɛ ‑kä 'lɩlɩlɩ. Wa'aa wa 'kɩ tilikpëdʋdʋ a'bhë 'mö zʋ, nzɩɩ wʋ 'kä nɛmanɩ, wa 'kʋ glʋglʋli yɔwʋ 'zʋ a za. ‑Maa 'kwlɛ 'mö wa pɩɛ cuu. Sa'a yɩ ‑wʋä. Zaa, ‑ɔ ‑kä 'nʋnʋyukwïla 'wlu ‑kä, ɔ nɩ 'nʋa ‑bhlɛ.»