Vèsè popilè nan Bib la ki soti nan Mataayo 28

Pataje

Mbe bhoono, mugende kubhantu bha ebhyaro bhyonsego, mubhakore okubha abheehigira bhaani, kwa okubhabhatiija kwa eriina rya Taata, na erya Omwana na erya Omutima Omurabhu, na okubheehigirya okugwata gonsego ganú naabharagirirya bheenyu. Na maaha, oni ndingi hamwi na bheenyu eribhaga ryonsego, okuhikira obhuteero bhwa ekyaro.”

Mbe, Yeesu akabhaaja-ko akabhakeerya ega, “Waryubha yangʼeeri obhutungi bhonsego, murwire na mukyaro.

Hayo, maraika uyo, akakeerya abhakari bharya ega, “Bheenyu mutoobhoha! Mmanyiri ega, muujiri okumutuna Yeesu unú yaabhambwa kumusarabha. Atariho hanu! Ahyukiri kya ego yaabhakeererye. Muuje murore hanú bhaaringa bhamureerye.

Yeesu akabhakeerya ega, “Mutoobhoha! Mugende mubhakeerye abheehigira bhaani ega, bhagye Gariraaya, eyo ngʼyo bhaakannyoore.”

Kimwi abhasyengeri abhakuru bhayo, bhakeekara erigara hamwi na abhakaruka bha Ekiyahudi, bhakeekiriranʼya ega, bhabhahaane abhasirikare bhayo egimbirya eginjaru. Mbe, bhakabhakeerya ega, “Nyoore omuntu wowonse arabhabhuurya eguru ya ganú geebhukiri, mugambenga ega, ‘Obhutiku hanú bheetu twaringa tureeri egintiro, abheehigira bha Yeesu bhakaaja bhakamwibha.’ Hanú omwanangwa Pirato ariigwa amangʼana gayo, bheetu turihaira nawe, naho mutariija okusoha munyanko.” Nho, abhasirikare bhayo bhakagega egimbirya, kimwi bhakakora kya ego bhaaringa bheehigiriibhwe okugamba. Eringʼana ryabho rya obhubheehi riyo, rikanyaragana gati ya Abhayahudi nawanyareero.