Vèsè popilè nan Bib la ki soti nan Mataayo 10

Pataje

“Mwitegeerere, ndabhatuma kya amangʼondi gati ya eginsuuji. Kwa ego, mubhe abhaangarariri kya enjoka, kweki mubhe abhanyoohu kya enguuti.

Omuntu wowonse unú areenda okuhonʼya obhuhoru bhwaye bhwa mukyaro munu, aribhubhurya obhuhoru bhwa koko. Nawe, omuntu unú araruusya obhuhoru bhwaye kurusumo rwani, arinyoora obhuhoru bhwa koko.

Mutoobhoha bhanú bharabheeta omubhiri, nawe, bhatakutura okwita emitima gyenyu. Bheenyu mumoobhohe Waryubha omwenego, kwa okubha weeki ngʼo aratura okusikya omubhiri, hamwi na emitima gyenyu mumururo gunú gutakusima.

Omuntu wowonse unú atakugega omusarabha gwaye, kurusumo rwani, uyo atakutura okubha omwihigira waani.

“Omuntu wowonse unú aranyikirirya embere ya abhantu, oni nonse ndimwikirirya embere ya Taata owa murwire. Nawe, omuntu wowonse unú aranyanga embere ya abhantu, na oni ndimwanga embere ya Taata owa murwire.

Muhwenʼye abharweri, muhyukye abhaku, muraame abha obhugenge na mukenyie ebhihwi. Mwahaanwa obhuturo bhuyo bhusa, na bheenyu bhonse, mubheere abhandi bhusa.

Kwa ego, mutoobhoha, kwa okubha bheenyu muuna obhwera okukira erihijo rya ebhisanje ebhyaru.

“Muteeganirirya ega, niijiri mukyaro kinu okureeta omurembe. Tiigo-ha! Ntaaja okureeta omurembe, nawe naaja okureeta obhwahukani.