Vèsè popilè nan Bib la ki soti nan Málkúsi 5

Pataje

Yɛɛ́so á lé á mbū yí ŋ́gɛ: «Maá, agɔ jú á mi, melaʼ mīi o ó fɛ́ nnɛ̄t ŋgyá á mbū meŋ. Gʉɔ mé apwɛne. O ó pú ntē. »

Mmɔʼ menzwí a lɛ nnɔ mɛ́t, mbɔ mɛ́sɔ̄ a á náŋ ánɛ yí ŋguʼ ntsɔp pīa mé legēm. A le gɔ́ mbɔ, a á jʉ́ɔ ŋgʉɔ̄ʼ tɛʼ á mba megaŋ afho ntií ntiī. Ńtsēŋ ezi ŋkāp ntsem ánɛ agɔ mɛ́t, ḿbiŋ ncʉ́ʼ yīi a ete, agɔ zí, á tswiʼne ŋgʉ̄ɔ mé mvhɔ.

Ḿpfēŋ épúp, agɔ zí á lɛ nzáʼa efʉʼ mɛ́t efʉʼ mɛ́t, á júʼ á mbe nnɛ̄t yí páʼ, yí é te.

Á tá apū mɔ́ mɛ́t ŋkímne, ńdé á mbū yí ŋ́gɛ: «Talita kum», ńdɔkɔ ŋ́gɛ: «Mɔ́ ŋgɔ, meŋ mé tswii á mbū wu, ziɛ̄. »

Yɛɛ́so á zɛ́t nzhɛ á eshúŋnɛ, emɔ̄ʼ epuɔ é fhó á mba Jayilus, ḿmɔʼ tɛŋgyā epuɔ pīi, é cʉtɛ ŋgyā aswiŋte, éshʉʼ ndé á mbū Jayilus ŋ́gɛ: «Méŋ wu a á ndáʼ ŋkwhʉ́, te zóko ŋgēnɛ á nziʼnɛ. » Ŋ́gē elé, Yɛɛ́so á nɔŋ njúʼɔ, ŋ́ghʉ̄ páʼ a ka júʼ ú lā, ńdé á mbū Jayilus ŋ́gɛ: «Te pɔ́k azō, fɛ́ áa nnɛ̄t ju ŋgyá mé meŋ. »

A lɛɛ́ ndʉ́ɛ́ épúp melaʼ mīi, Yɛɛ́so a á cɔ́k esī zīi, e genɛ á yí ŋ́gɛ: «Esī, fhó ánɛ ŋiŋ wuɔ ntó. » Yɛɛ́so á zɛ́tte á yí ŋ́gɛ: «Lezēŋ cú é lɛ awɔ́?» Á pwɛt ŋ́gɛ: «Lezēŋ tsá é lɛ Atʉtʉ, melaʼ mīi pek é tɛ nzá. »