Vèsè popilè nan Bib la ki soti nan Matìyò 13

Pataje

Àsi fitam ngwèd fe ne fendi igun ìseg chɔm, à ya wə̀d ne zùghə Ìngam Ŋwiye, atog məd zḛ. À ya məd ne biri ko titam achug iki, kə̀ ìghum tìfughə kə̀ ìghum itad, chè inun fitam ngwèd ne mbi ya nwḭ.”

Fitam fe ne fendi inga agyen njəŋ ya mə̀tə̀ imbə̀ʼ wə̀d ne zùghə Ìngam Ŋwiye bə̀ bḛ, si ya gha, tikɔndi imbə̀ʼ ighi igun isəg fɔrɔ ikuchèg ne ighi igun isəg ya tàmba bəd biri nimni ìngam we. Wì biri si ku witì wì ko titam.

Anyumə̀ ne wə̀d zùghi ikən imbə̀ʼ anug ìfɔ̀n ikaŋ ne chəyi atog məd zḛ, Wə̀d Tibɔ̀ŋ biri yeʼe pàŋì aghi ne mbi nyɔʼi ibo inga fìŋ. Aŋa ya icheg fitam fe ne ya fendi igun inɔnjì.

Fitam fe ne ya fendi igun igho ya bəd ne zùghə Ìngam Ŋwiye bə̀ bḛ kwàʼ ati ati ane igyendi. Si ya gha, icheg ne chəyi ighaŋ fitam fe ya taŋ nyi aseg, fi ya kweg məyi ane iki nyumə̀. Anyumə̀ ne bəd ko ni chɔʼ ìmbɔb ibɔʼì ighog imbə̀ʼ ìngam we, mbɔb ya wàʼa ìwɔb ibḛfiŋ kwàʼ amad amad.

Yeso ya ywìrì ghàm ìngam məgri ndəŋ abə mə̀mə̀nənùg məd gha, “Anug ìfɔ̀n ikaŋ ya icheg aghi àka inun ne wə̀d mɔ̀ʼɔ ya nə̀mbi inga mben mɔ̀ʼɔ. Anyumə̀ ne wə̀d ndəŋ ya bàri aghi ze, wì ya ywìrì nə̀mbì aghi ze inga aseg inga mben ze. Wì ya si ghò fèndì ìmbi ighi ijìm ane igyendi, bə̀ndì ghò zon mben ze.”

Fitam ngwèd mɔ̀ʼɔ ya fendi igun ìseg chɔm, kweg ko titam jəghi. Ìti mɔ̀ʼɔ ya ko achug iki, ìtin achug ìghum tìfughə, ìtin achug ìghum itad.

Mbə̀ saŋa mbe fɔrɔ kwèghe inɔn ghò pè ane nyumə̀ ne mbe mòʼò kyì. Anyumə̀ we, mə biri ghà abə bəd ne mòʼò kyì gha mbe fə bi chɔʼ ifog we fèti, kɔd abiŋ abiŋ, tɔ̀n, si mòʼ kyì ghò nɔ̀ŋì inga ìmə ngən.› ”