Vèsè popilè nan Bib la ki soti nan Mateo 5

Pataje

Maud̶e ʉ̃d̶aa koabarii koad̶akau cajón ekare mera nub̶ud̶ai baita. Mau kãyabãra koaduud̶e, ne kaebea ʉ̃rʉ ʉtʉ nub̶ud̶ai joma deed̶a panuurãba chi ʉ̃d̶aa unud̶amera. Ara mau kĩra ẽbẽrarã daad̶e biꞌia wáusturu ãchiba Dachi Akõre bajãad̶e b̶uumaa biꞌia berread̶amera.

Machi ʉ̃d̶aa kĩra nuree, nau iujãad̶e nureeba machi tãed̶eeba Dachi Akõre unubadaud̶eeba. Puuru ead̶e kub̶uu ¿saka merad̶aima?

Biꞌia panuu sõd̶eeba Dachi Akõre báitaburu nuree, Dachi Akõre unud̶aid̶eeba.

Biꞌia panuu chi sõd̶eeba jipa wau kʉ̃riabadau, machiba kʉ̃ria b̶ee Dachi Akõreba deaid̶eeba.

Maamina mʉʉba jaraaruu: machi kĩramaabadaurã kʉ̃riásturu. Chi machimaa kachirua jaraaduumaa biꞌia jarásturu; machi kĩramaa panuu biꞌia wáusturu. Dachi Akõremaa ʉtaa id̶ísturu ãchi aid̶amera.

«Biꞌia panuu machi chi miichuburi nuree unubadau, Bajãad̶e B̶uuba machi ichi juad̶e ua b̶uud̶eeba.

Biꞌia panuu jomaurã ome biꞌia kʉ̃riabadau maud̶e mau baita waubadau, Dachi Akõre warrarã ad̶aid̶eeba.

Biꞌia panuu machi kĩra nomaa nuree, Dachi Akõreba mau kĩra nomaa wãꞌaebiid̶eeba.

Biꞌia panuu chi jipa nuree kakua waabenarãba biꞌiwãe paneebiabadau, Bajãad̶e B̶uuba ichid̶irã ichi juad̶e ua b̶uud̶eeba.

Biꞌia panuu chi waabenarã kĩra chuburiabadau, Dachi Akõreba machi kĩra chuburiaid̶eeba.

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu. Ãrea kĩrajʉʉ panésturu, machiba ne bia ãrea bajãad̶e uru panad̶aid̶eeba. Ara mau kĩra nabẽraed̶e ewarid̶e bid̶a Dachi Akõre baita berreabadaurã ara mau kĩra wãraasid̶au biꞌiwãe paneebiad̶ai baita.

Biꞌia panuu machi chi mechiu nuread̶ai baita jʉrʉd̶awẽa nuree, Dachi Akõreba machimaa nau iujãa joma deaid̶eeba.

»Machi nau iujãad̶e tã kĩra nuree. Maamina chi kuyaa wãꞌãeruubʉrã ¿saka waya kuyaa b̶eeima? Biꞌiwãe b̶eei. Bibuara b̶uu od̶e jiratad̶ai ẽbẽrarãba biraduad̶amera.

Maud̶eeba jomaurã kʉ̃riakuásturu machi Akõre bajãad̶e b̶uuba jomaurã kʉ̃ria b̶uu kĩra.

Machiba ne waud̶ai aaduubʉrã, wáusturu. Maud̶e waud̶aabai aaduubʉrã, waurã́sturu. Mau barikiu trʉ̃d̶eeba biawãra ne waui jaraaruu kachiruad̶ebena nee b̶uu.

»Machiba ũri panuu naka jarabadau: “Ab̶auba chi ab̶au dau jimataaruubʉrã chi maka waud̶a sid̶a arab̶aud̶e chi dau jimatai. Kid̶a b̶ʉapetaaruud̶e chi maka waud̶a sid̶a arab̶aud̶e chi kid̶a b̶ʉapetai”. Maamina mʉʉba jaraaruu: bichi kachirua wauruud̶e chũpea dauchia jãadua b̶uase. Barikiuba bichi kĩedarr jua biarebena sĩiruubʉrã, chi osob̶arebena sid̶a ʉmʉase sĩmera.

»Maud̶eeba bichi dau jua biarebenaba bichimaa kachirua waubiiruubʉrã, chi dau ẽetaped̶a jiratase, mau kachirua waurãamera. Bichi kakuad̶ebena ab̶a wãꞌãerumina ewaricha Dachi Akõre ome b̶uai. Mau bibuara b̶uu Dachi Akõreba joma bichi kakua tʉbʉchia aoko kub̶uu kiikaud̶e jiratai bad̶amaarã. Maud̶e bichi jua biarebenaba bichimaa kachirua waubiiruubʉrã, bichi jua b̶ʉatutaped̶a jiratase mau kachirua waurãamera. Bichi kakuad̶ebena ab̶a wãꞌãerumina ewaricha Dachi Akõre ome b̶uai. Mau bibuara b̶uu Dachi Akõreba joma bichi kakua tʉbʉchia aoko kub̶uu kiikaud̶e jiratai bad̶amaarã.