Vèsè popilè nan Bib la ki soti nan यूहन्ना 6

Pataje

तब यीसु उनसे कहिन, “जीबन देंइ बाली रोटी हमहिन आहेन: जे कोऊ हमरे लघे अई उआ कबहूँ भूँखा न होई, अउर जे कोऊ हमरे ऊपर बिसुआस करी, उआ कबहूँ पियासा न होई।

परमातिमा के आत्मय हय, जउन अनन्त जीबन देत हय, देंह से कुछू फायदा नहीं आय: जउने बातन काहीं हम तोंहसे कहेन हँय, उँइन आत्मा आहीं, अउर जीबन घलाय आहीं।”

नास होंइ बाले खाना के खातिर मेहनत न करा, पय अनन्त जीबन देंइ बाले उआ खाना के खातिर मेहनत करा, जउने काहीं मनई के लड़िका तोंहईं देइहँय, काहेकि ओही देंइ के अधिकार पिता परमातिमा केबल उनहिन काहीं दिहिन हीं।”

काहेकि हमरे पिता के मरजी इआ हय, कि जे कोऊ लड़िका काहीं देखी, अउर उनखे ऊपर बिसुआस करी, उआ अनन्त जीबन पाई; अउर हम ओही आखिरी दिन पुनि जिआय देब।”

तब यीसु उनहीं जबाब दिहिन, “परमातिमा के काम इआ आय, कि तूँ पंचे जेही ऊँ पठइन हीं, उनखे ऊपर बिसुआस करा।”

अउर पिता परमातिमा जिनहीं चुनिके हमहीं दिहिन हीं, ऊँ सगले जन हमरे लघे अइहँय, अउर हम उनहीं कबहूँ न लउटाउब।

तब समौन पतरस उनहीं जबाब दिहिन, कि “हे प्रभू हम पंचे केखे लघे जई? अनन्त जीबन देंइ बाली बातँय, त अपनय के लघे हईं।”

अनन्त जीबन देंइ बाली जउन रोटी स्वरग से उतरिके आई हय, उआ हमहिन आहेन। अगर कोऊ इआ रोटी म से खई, त हमेसा जिअत रही, अउर जउन रोटी हम संसार के मनइन के अनन्त जीबन के खातिर देब, उआ हमार माँस आय।”

कोऊ हमरे लघे नहीं आय सकय, जब तक हमहीं पठमँइ बाले पिता परमातिमा ओही हमरे कइती आमँइ के मन न देंइ, अउर जे कोऊ हमरे लघे अई, ओही हम आखिरी दिन पुनि जिन्दा कइ देब।

काहेकि परमातिमा के दीन रोटी उहय आय, जउन स्वरग से उतरिके संसार के मनइन काहीं जीबन देत ही।”

अनन्त जीबन देंइ बाली रोटी हमहिंन आहेन।

तब यीसु रोटी लिहिन, अउर परमातिमा काहीं धन्यबाद दइके चेलन काहीं परसँय के खातिर दिहिन, अउर ऊँ पंचे सगले मनइन काहीं परस दिहिन: अउर उहयमेर मछरिन काहीं घलाय जेतना-जेतना ऊँ पंचे चाहत रहे हँय, परस दिहिन। जब ऊँ पंचे खाइके संतुस्ट होइगें, तब यीसु अपने चेलन से कहिन, “जउन टुकड़ा बचिगे हँय उनहीं उठाय ल्या, जउने कुछू बेकार न जाय।”

जब ऊँ पंचे नाव काहीं खेबत-खेबत पाँच-छय किलोमीटर के करीब निकरिगें, तब ऊँ पंचे यीसु काहीं झील के पानी के ऊपर रेंगत, अउर अपने नाव के लघे आबत देखिके डेराइगें। पय यीसु उनसे कहिन, कि “हम आहेन; डेरा न।”