Vèsè popilè nan Bib la ki soti nan यूहन्ना 14

Pataje

हम तोंहईं पंचन काहीं सान्ति दए जइत हएन, अउर आपन सान्ति तोंहईं पंचन काहीं देइत हएन; जइसन संसार के सगले मनई देत हें, हम तोंहईं उआमेर से नहीं देइत आहेन: तूँ पंचे अपने मन माहीं न घबरा अउर न डेरा।

तब यीसु उनसे कहिन, “गइल, सत्य अउर जीबन हमहिन आहेन; हमरे ऊपर बिसुआस किहे बिना, कोऊ पिता के लघे नहीं पहुँच सकय।

यीसु अपने चेलन से कहिन, “तोंहार मन ब्याकुल न होय, तूँ पंचे परमातिमा के ऊपर बिसुआस करते हया, हमरेव ऊपर बिसुआस करा।

पय ऊँ सहायक अरथात पबित्र आत्मा, जिनहीं पिता हमरे नाम से पठइहँय, ऊँ तोंहईं पंचन काहीं सगली बातन काहीं सिखइ हँय, अउर जउन कुछू हम तोंहसे कहेन हय, उआ सगला ऊँ तोंहईं सुध देबइहँय।

उआ मनई जउन हमरे हुकुमन काहीं जानत हय, अउर उनखर पालन करत हय, उहय हमसे प्रेम करत हय, अउर जे कोऊ हमसे प्रेम करत हय, ओसे हमार पिता प्रेम करत हें, अउर हमहूँ ओसे प्रेम करब, अउर अपने-आप काहीं ओखे ऊपर प्रगट करब।”

अउर हम पिता से बिनती करब, अउर ऊँ तोंहईं पंचन काहीं एकठे सहायक देइहँय, कि ऊँ सहायक हमेसा तोंहरे पंचन के साथ रहँय। अरथात सत्य के आत्मा, जिनहीं संसार के मनई सोइकार नहीं कइ सकँय, काहेकि ऊँ पंचे न उनहीं देखिन आहीं, अउर न जनतय आहीं: पय तूँ पंचे उनहीं जनते हया, काहेकि ऊँ सहायक तोंहरे साथ रहत हें, अउर ऊँ हमेसा तोंहरे जीबन माहीं रइहँय।

अउर तूँ पंचे जउन कुछू हमरे नाम से मगिहा, उहय हम करब, कि जउने लड़िका के व्दारा पिता के बड़ाई होय। अगर तूँ पंचे हमसे हमरे नाम से कुछू मगिहा, त हम ओही पूर करब।”

अउर यीसु पुनि कहिन, “अगर तूँ पंचे हमसे प्रेम करते हया, त हमरे हुकुमन काहीं मनिहा।

हमरे पिता के घर माहीं रहँइ के खुब जघा ही, अगर न होत, त हम तोंहसे बताय देइत, काहेकि हम तोंहरे पंचन के खातिर जघा तइआर करँइ जइत हएन।

अउर अगर हम जाइके तोंहरे खातिर जघा तइआर करब, त पुनि आइके तोंहईं पंचन काहीं अपने इहाँ लइ जाब, कि जहाँ हम रही उहँय तुहूँ पंचे रहा।

इआ सुनिके थोमा उनसे कहिन, “हे प्रभू, जब हम पंचे इआ नहीं जानी, कि अपना कहाँ जइत हएन? त गइल कइसन जाने पाउब?”