Vèsè popilè nan Bib la ki soti nan Juan 6

Pataje

Mawũãnaĩ Jesúsbara mawũãsia: Mʉta panta Daizeze ũme bꞌai jõ ẽãnebema, mʉma zebʉrʉra maʉ̃nebemanerã jarrakꞌa baya, mʉnebemata ĩjãbʉrʉra aramaʉ̃ne obisiakꞌa baya.

Jawurebiabʉrʉ dia bꞌʉa Daizeze ũme bꞌai jõ ẽãta, zharabara dia ẽã. Bedꞌeata mʉã marãã jara bꞌʉra Jawurebiadꞌebemata Daizeze ũme bꞌai jõ ẽãnebema.

Kꞌãrẽ obʉdata bari zhiko jõbari kꞌarea orãũdua, awuarabʉrʉ kꞌãrẽ oudua pan jõkꞌa kꞌarea, Daizeze ũme bꞌai jõ ẽã kꞌarea, mʉ Beubari Bape bꞌʉba maʉ̃ pan marãã diaya, mʉrã maʉ̃ kꞌarea bꞌʉsia mʉ Zhibari mʉ Zezeba.

Mʉ Zeze mʉ zokꞌadꞌabara krĩña bꞌʉa zhi Warra mʉta krĩcha bꞌebara, mʉnebemata ĩjã bꞌebara jõmaʉ̃ba erubꞌeamarẽã Daizeze ũme bꞌai jõ ẽãta. Aramaʉ̃nerã maʉ̃rãta beudꞌapeadꞌara mʉã piradrʉbigaya ewari nʉmʉta jõbʉrʉdꞌera.

Mawũãnaĩ Jesúsbara panaʉ̃ mawũãsia: Marãba kꞌãrẽ Daizezedꞌeta odꞌaira, ĩjãũdua mʉ izha zokꞌadꞌata.

Mʉ Zezeba mʉãã diabʉrʉra jõma mʉma zedꞌaya, mʉma zebʉrʉra mʉãrã ãĩ jʉreta ẽã.

Mawũãĩ Simón Pedroba panaʉ̃ mawũãsia: Nokꞌó, ¿daira kꞌaima wãĩpe? Bʉabʉrʉ bedꞌeata erubꞌʉa Daizeze ũme bꞌai jõ ẽãta.

Mʉrã panta Daizeze ũme bꞌai jõ ẽãta ʉ̃treba zesia, iabꞌaʉba pan mʉta kꞌobʉrʉra Daizeze ũme bꞌai jõ ẽã bꞌaya. Pan mʉã diabʉrʉra mʉ zharata diaya. Maʉ̃ mʉãrã Daizeze ũme bꞌai jõ ẽãta diaya ẽjũãne zhãrã bꞌea.

Miõta mʉma ze bꞌe ẽã mʉ Zeze mʉ zokꞌadꞌaba webʉrʉ ẽbʉrʉ. Izha webʉrʉtrʉ beudꞌata mʉãrã piradrʉbiya ewari nʉmʉta jõbʉrʉdꞌera.

Pan Daizezedꞌea mʉta ʉ̃treba zedꞌata, mʉãrã Daizeze ũme bꞌai jõ ẽãta dia bꞌʉa ẽjũãne zhãrã bꞌea.

Mʉrã panta Daizeze ũme bꞌai jõ ẽãnebema.

Mobebʉrʉ Jesúsbara maʉ̃ pan jiraedape Daizezea zhibia jipe bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa jewedꞌa kꞌobꞌea, bꞌedasidꞌa abꞌarika osia ãzha kꞌobʉdadꞌe kꞌodꞌamarẽã. Jãwũã duanebʉdadꞌe izha jʉrʉkuadꞌaa mawũãsia: Adꞌubabʉdata zhi bꞌʉgʉzoamata jʉrepeudua, miã kꞌãrẽta adua ẽbamarẽã.

Wigui wãnata cinco o seis kilómetro babʉrʉdꞌe Jesús do ʉ̃rʉ̃ taita ũdubʉdadꞌera orra tebasia jãbata, mawũẽ perasidꞌa. Maʉ̃ne izhara mawũãsia: Mʉta taia, perarãũdua.