Vèsè popilè nan Bib la ki soti nan Mata 10

Pataje

Aləka i dəba ŋa ya, Yesuw a gwaɗa a tar asa: «Araha, i slir a kurum ana kà nwim kamala gà təmaŋ, ndzəɗa kurum a riŋ tsa liɓèt a liɓèt a ya. Ama ki dwim a kəla ka, a liwiŋ gà mburma ana ti ne kamala gà də̀var a. Aɗaba taŋa, nwim ka, gà ɓəzla metsehe kamala gà mesiwiɗ ana slìrmiɗ slìrmiɗ ta kesle a ba tar aà gà məmba ya. Ki nwim a asa ka, kamala huɗgum ana a səraha duwa tsa, a ndzebe a tsìkeffe ya.

Wur ana a zezem a madzala gà gər ŋgar, a gwa ka, i mbil a à mesife gà ya ka, a dzeye a dər seyiŋ ivaɗ. Ama wur ana a dzeye a à mesife ŋgar aɗaba iye ya ka, a ŋget a ivaɗ asa.»

Ka ta gwim magəɗa a gà na ta bets a slu ba kurum a tsa, aɗaba ti sle a aà medzeye à mesife kurum tsa. Ama gwim magəɗa ka, a Mbulum ana ŋgat a sle a aà medzeye à slu ba kurum, nda mesife kurum fit a akwa ana a mbete a tsa aà biybiy a ivaɗ.

Dite wur ana a zle a dizl magə̀làwà ŋana kamala ana i ti zle a dər mba ya, à dìɗ a dər aka iye ya tsəka, a sle a aà mendze i təv ga tsa asa mbaŋa.

Yesuw a gwaɗa a tar asa: «Wur ana a gweɗe a ika miɗ mburma tserdze, i sər Yesuw a ka, iye tekeɗe, i ti ɗif a à ŋgat ika miɗ Mbulum Tsir gà ana i gər ŋa ya. Ama wur ana a gweɗe a ika miɗ mburma tserdze, i sər Yesuw tsiye ka, iye tekeɗe, i ti ɗif a à ŋgat ɓav tsa, na ika miɗ Mbulum Tsir gà ana i gər ŋa ya mbeete.»

Dite i dəba ŋa ya, ka mbalum à gà ɓəzla dukw məməta nda gà na ta mata ya, dite nda gà ɓəzla mbəlak ba asa. Ka dalawum gà sitene aà mburma ya. Aɗaba i vəl a kurum ndzəɗa ata ka, dukw taf masakəŋa. Ama kurum tekeɗe, vəlum a tar kataya mbaŋa.

Aɗaba taŋa, kurum ka, ki gwim magəɗa tsa. Na kataya ana, kà zùm gà ɗiyeŋ ana mawùba ŋa tèsìsse ya kweleŋ fìtìte tsiye, na ika miɗ Mbulum a.»

I dəba ŋa ya, Yesuw a gwaɗa a tar: «Ka tə dzalum mede ana i dara a təv kurum aka gər ahəɗ a, i da a kurumara ka, à mandza zayzay a tsa. Awaŋ, mandza zayzay a riŋ tsa. I dara ka, aà maàga ya ivaɗ.