Vèsè popilè nan Bib la ki soti nan YAHYA 14

Pataje

“Ui necan awang kuan muyuh, idi Ui maré awangKu sebuleng kuan muyuh. Ui na maré ineh kuan muyuh maya' lawé tana' ini. Aleg muyuh megagau niat idi aleg matot.

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

Kebala Yésus nedeh, “Aleg muyuh megagau niat; do' manu inan Allah, idi manu inan Negku teh.

Iamo' Lun Ngedengan ineh, ieh ineh Roh Meligan, luk uen Taman ngecuk bang ngadanKu, Ieh luk miak mada' luk amung-amung kuan muyuh. Idi Ieh ngedengan nemuyuh pad muyuh ngerawé amung-amung luk pangeh bilaKu nemuyuh.

“Kudeng idé-idé luk gimet idi maya' amung ukumKu, ieh ineh luk mawa Negku. Idi lemulun luk mawa Negku, idi Taman pana' mawa neneh, idi Ui teh mawa neneh idi ngegala' bururKu kuanneh.”

Ui mutuh ratnan Taman, idi Ieh miak maré nemuyuh Lun Ngedengan luk baken, ieh ineh Roh luk matu pad Ieh ngedengan nemuyuh ruked-ruked peh. Ieh na miak lapen tana' ini, ngaceku tana' ini na kali' Neneh, idi na miti Neneh. Iamo' muyuh miti Neneh ngaceku Ieh tudo dengan muyuh, idi Ieh idi bang nemuyuh.

Idi anun-anun pana' luk pituen muyuh bang ngadanKu, Ui miak ngua' neneh, pad Taman uen ngerayeh bang Anak. Kudeng muyuh mutuh rat Negku anun-anun bang ngadanKu, Ui miak ngua' neneh.

“Kudeng muyuh mawa Negku, do' maya' ukum-ukumKu.

Bang ruma' TamanKu inan mula' luk inan tudo' kudeng na pieh kudeng ineh, kali' rungen Ui pangeh nemala kuan muyuh; ngaceku Ui amé' nganau' temina' luk inan kuan muyuh.

Pangeh Ui amé' nganau' temina' luk inan kuan muyuh, idi Ui lemubed ngalap nemuyuh amé' Negku, pelé su luk inanKu tudo, déi' teh luk inan muyuh.

Kebala Tomas Neneh, “O Tuhan, kai na kali' su apeh luk inanMu amé' kudeng apehké kai kali' dalan ineh?”