Vèsè popilè nan Bib la ki soti nan PUDUT 22

Pataje

Idi Ibrahim neneten ngadan su ineh “Tuhan Miak Maré.” Idi macing nekini pana' lemulun mala, “Luun surud Tuhan ineh Ieh maré.”

Idi kebala Allah, “Ngalap anak bulengmu, Isak luk inanmu mawa, idi amé' déi' tana' Moria. Idi maré neneh sabpen ku aceh baré kuanKu luun aceh surud luk badénKu namu.”

Idi kebala Melaikat ineh, “Aleg iko ngaté anak ineh, idi aleg nganau' anun-anun kuanneh. Nekini Ui kali' iko matot inan Allah. Ngaceku sagan pana' ieh anak bulengmu, na iko ngibpeng neneh kuanKu.”

Idi kebala Ibrahim, “Allah sebuleng miak maré aceh anak dumba.” Idi dingetameh nenalan teh.

idi matu Ui miak maré peruan kuanmu, idi Ui miak ngula' anak inulmu mepad kudeng gituen bang langit, idi mepad kudeng bada tangeb abpa' rayeh. Idi anak inulmu ineh miak metueh ratnan amung-amung bunu'deh, idi ratnan inulmu amung-amung pupu luk bang tana' ini miak ngalap peruan, ngaceku iko nemaya' balaKu.”

Pangeh amung-amung ineh nangun, Allah nenutun Ibrahim, kebalaNeh, “O Ibrahim!” Idi kebala Ibrahim, “Anun idi, Tuhan?”

Iamo' aceh Melaikat Tuhan nengitang rat déi' surga, kebalaneh, “O Ibrahim, Ibrahim!” Idi kebala Ibrahim, “Anun idi, Tuhan?”

Idi Melaikat Tuhan nengitang kuan Ibrahim sekedueh kua' rat déi' surga, kebalaNeh, “Ratnan ngadanKu Ui pebulung, Ui ini Tuhan luk pebala, ngaceku iko pangeh nenganau' ini, idi na nengibpeng anak bulengmu, kuanKu

Kareb didueh nacing déi' su luk pangeh bila Allah neneh, idi Ibrahim nenganau' aceh bubpun. Idi ieh nemipin kayuh luun ineh. Idi ieh nengaling anakneh ineh idi nengerareng neneh luun kayuh luk luun bubpun ineh.