Vèsè popilè nan Bib la ki soti nan Sɩngre 4

Pataje

Fo sã n maan sẽn yaa sõama, f na n tõog n zẽka f zugu, la f sã n ka maan sẽn yaa sõama, yel-wẽnã wũga fo rignoorẽ, la a rat n sooga foom, bee ne foom tɩ f tõog-a.»

A Sɛt me paama bi-ribla, n pʋd a yʋʋr t'a Enoose. Dẽ, sẽn sɩng ne wakat-kãnga, nebã sɩngame n pʋʋsd ne Sẽn-Ka-Saab yʋʋre.

Rẽ zugẽ, Sẽn-Ka-Saab soka a Kayẽ yaa: «Fo yao a Abɛll bee yɛɛnẽ?» La yẽnda leokame: «Mam ka mi ye! Rẽ yĩnga, mam yaa m yao wã gũud la?»

Dẽ, Wẽnnaam leb n yeel-a lame: «Yaa bõe la fo sẽn maanã? Fo yao wã zɩɩm bee tẽn-gãongã zug n kelemdẽ tɩ tat maam.

Sẽn-Ka-Saab yeela yẽnda yaa: «Ned sã n kʋ a Kayẽ, mam na n doka m sũur ne a soab naoor a yopoe.» La Sẽn-Ka-Saab ninga a Kayẽ bãnde, tɩ ned sã n yãnd-a bɩ a ra kʋ-a ye.