Vèsè popilè nan Bib la ki soti nan Yohani 14

Pataje

Nkuvaleshelʼuvwihalo, nkuvapʼuvwihalo vwane. Ntakuvapʼimwe inza shʼinsi yikuvapanga. Gatagandushe lelʼamoyo ginyu, gatasaganyaje.

PʼuYesu ahamuvuzya ahati: Nene ne lidala nenene, ne vwanalyoli nenene, ne vulanzi nenene. Numo atakufiha kwa Tata, wengʼatakujenda mumwanʼine.

Gatagandushʼamoyo ginyu; mumwitishʼuMulungu, nane munitishe.

Uwene nyenʼuMwimizi, uMupepʼuMufinjile, wʼuTata alimutuma mwizina lyanʼine, wuyo nyene alivasambilizyʼimwe zyonti, wʼalivakumbusya zyonti zye mbavuzizyʼimwe.

Uno wengʼali nazyʼinkomelezyo zyane, wʼakuziviha namumwoyo wakwe, we wuyo wʼankunzitʼine. Ilelʼuno wengʼankunzitʼine, we wuyo uTata alimukunda, we nane ndimukunda, we ndiyilolesya kukwakwe ine.

Pe nane ndimulavʼuTata, ilelo pʼuwene alivapʼuMwimizi uwamwavo uwa kuva namwe shima. We wʼuMupepo wa vwanalyoli, wʼinsi yitamanyilʼukumuposhela, shʼitakumwenya havili yitamumanyile. Nkandʼimwe mumumanyile, shʼakulinda kumwinyu, havili muliva nawo muhati zyinyu.

Vwonti vwenga mukulava mwizina lyane ṿwe ndivomba, ukuti uTata pʼavoneshe mwa Mwana ukuva we mupiti. Inga mukulava zimo mwizina lyane zye ndivomba.

Inga munkunzite nalyoli, pe mulilandata namunkomelezyo zyane.

Munyumba ya Tata palʼapinji apavuyo. Papele pasoṿile nkandi mbavuzizye. She nkuvalʼukuvayana-nizya pavuyo imwe.

Ilelo lwe mbazilʼukuvayananizya pavuyo imwe, ndiyinza havili ukuvasendʼimwe, ukuti muvanje kukwane, namwe ukuti muve pupo pe ndi ine.

PʼuToma ahamuvuzya ahati: Mwene, she pope napʼukuvala tutapamanyile, pe twati tulimanye vuli idala?