Vèsè popilè nan Bib la ki soti nan Luka 17

Pataje

Aho agambira Omusamaria ogwo ati, “Imuka okwate omuhanda otahe; okwesiga kwawe kwakukiza.”

K'arakufakalira emirundi mushanju omushana gumoi, kandi akashuba akakwijaho emirundi mushanju yonene nagamba ati, ‘Nayechuza,’ noragirwa kumugarulira.”

Omuli bonene omoi kayaboine okwo yakira, akubuka nasingiza Ruhanga n'eiraka lihango. Agwa Yesu omu maguru, amusiima. Mara akaba ali Musamaria.

Mwelinde. Ka murumuna wawe arafakara, omuhane. K'arayechuza omugarulire.

Nikwo Yesu kubaza ati, “Eikumi tilyakira bibembe? Isi omwenda balihai?

Omukama azigambira ati, “Kamwakubaire mwina okwesiga buzima okwigaine enjuma ya Haradali, mwakugambiire omuti ogu muti, ‘Sinduka ogye oyemelere omu nyanja,’ mara gwakubahuliire.

Aliitanira oburora bulimufera, kandi aliferwa oburora alibubona.

Yesu agambira abegesibwabe ati, “Ebisitazo tibyakubura kwija. Kyonkai omuntu aliba ntabuko y'ebisitazo ebyo alibona! Hakili kayakukomirwe orubengo omu bikya bakamutokya omu nyanja, kushaaga okugyaho akasitaza abato abo.

Okwo byabaire bili omu makiro ga Noa, nikwo biliba n'omu makiro g'Omwana w'Omuntu. Balyaga, banywaga, bashweraga, bashwerwaga, kuhika orwo Noa yatahire omu bwato, omutunga gwalemwa gwaija gwabaita bona.