Vèsè popilè nan Bib la ki soti nan HLIMI 1

Pataje

Ki kruʔu ma Nyɛʔɛlɛ à li yo: «Wo hɛn hanri we. Wi wo lɛ̀. Wi klɛn nyugbɔmo fyɔɔ pe yugu na, kajɛnʔɛ ní, kàʔà ajobo ní, ní tra tì bɛfu ní, ní aflolobo ní ajoyribi nì ba pí na flolo wa tra na de.» Nyɛʔɛlɛ li dá hɛnwyee hanri we li lɛgɛ na. Li dɔɔ hanri Nyɛʔɛlɛ li lɛgɛ na. Li da pé hanri naŋa nì cɛlɛ nì.

Nyɛʔɛlɛ à li frɛmɛ pa pé na mà pe po: «Ye pii ta, ye nyɛʔɛ, ye tra tì bɛfu nyi, ye po ti yugu na. Nyugbɔmo fyɔɔ pe klɛn pe ye kan, ní kajɛnʔɛ ní, ajobo pì bɛfu ní ba pí na flolo wa tra na de.»

Ki hlinyiŋi na, Nyɛʔɛlɛ li dá namuru ní tra hanri de.

Tra ti dá bo nɛ pa waʔafe kpangbanŋa nyɛ we. Wɔ̀mo à mi po wa nyugbɔmo yugu na. Nyɛʔɛlɛ li Nyili à li na lɛŋɛ wa nyumu mi yugu na ge.

Ki nyiŋi na, Nyɛʔɛlɛ à liʔi yo mà yo: «Paʔama mi hanri.» Paʔama à mi hanri.

Nyɛʔɛlɛ à li kì bɛfu nya ga li dá hanri ge, àʔa po kmaʔa ceŋge. Yaa àʔa kɔ. Ki kruʔu ma, kpɛnmɛ à mi to. Àʔa po wlɛrɛ noliwoʔo kiì gi.

Nyɛʔɛlɛ à liʔi nya paʔama mí nyɛ kmama. À li paʔama ní wɔmo kon mi na.

À li ní mà yo: «Nya kì bɛfu ga kí na akaba seri wa tra na de mí biʔi kân ye ma ní tiri tì bɛfu ní da tí na pibi seri ge. Pa ti bo yè akaba.

Ki nyiŋi na, Nyɛʔɛlɛ à li na paʔama yeri me kpɛnmɛ na wɔmo yeri me yebliʔi. Yaa àʔa kɔ. Ki kruʔu ma, kpɛnmɛ à mi to. Àʔa po wlɛgblɛʔɛ kiì gi.

Nyɛʔɛlɛ à li yo nɛ: «Kí ma yala kpafoʔo bí hanri ki nyumu kon mì na syɛn.»

Di mí bi nyapriʔi kan ajobo pì bɛfu ma wa tra na de, kajɛnʔɛ kè bɛfu ní, ajobo pì bɛfu ní ba pí na flolo wa tra na de, ali yrɛbɛ pì bɛfu ba wa nyuwyeʔe na ge.» Ki woʔo àʔa hanri ban.

Nyɛʔɛlɛ à li yo nɛ: «Kí ma yala paʔama tyɛnʔɛ fafaʔa bí bo wa namuru ni jango mi da kpɛnmɛ nì, ní yeblimi konʔolo mì na. Ki paʔama mi nì mi da ganʔa pee nyiri cɛnni de, wlɛrɛ nì, ní yɛʔɛ́ ní ge.

Ki kruʔu ma, Nyɛʔɛlɛ à li yo: «Kí ma yala tra ti nya fin, nya ní tiri da nì tí na pibi seri, ti sɛ ti yala ti tyɛnʔɛ ní ge.» Ki woʔo àʔa hanri ban.

Nyɛʔɛlɛ li dá kpafoʔo hanri mà namuru nyumu ní noʔoma womo kon me mì na. Ki woʔo àʔa hanri ban.

Tra à ti nya fin ga kí na pibi seri ge. Tiri à ti na pibi seri ga nì ki tyɛnlɛ, ga nì ki tyɛnlɛ. Nyɛʔɛlɛ à liʔi nya kí nyɛ kmaʔa ban.

Nyɛʔɛlɛ à li ki paʔama kpangbanma pomo syɛn hanri. Kpangbanma à mi po yaa nì jango ki da kpɛnmɛ sinni. Tatunmu à mi po yege nì jango ki da yeblimi sinni. À li ní mà ŋoŋoo hanri ge kpo.

Nyɛʔɛlɛ à li yo nɛ: «Nyumu ma mí nyɛ wa nyɛʔɛlɛ li noʔo na mi kpoʔolo deʔe nigbe na jango tra ti nyini.» Ki woʔo àʔa hanri ban. Nyɛʔɛlɛ à li na tra yeri de tra mà na nyufafaʔama yeri me nyugbɔmo. À liʔi nya kí nyɛ kmaʔa.

Nyɛʔɛlɛ à li frɛmɛ pa pí na mà yo: «Yrɛbɛ pì bɛfu ba pí na koro wa nyumu ni pi nyɛʔɛ, pi nyugbɔmo nyi me. Kajɛnʔɛ fanna ke nyɛʔɛ wa tra na de.»

Nyɛʔɛlɛ à li yo nɛ: «Awyebe tyɛnʔɛ kè bɛfu ke po wa tra na de: Kàʔà ajobo ní, aflolobo ní, ní ajoyribi nì be, nya ajobo tyɛnʔɛ kè bɛfu ní.» Ki woʔo àʔa hanri ban.

Nyɛʔɛlɛ à li yo nɛ: «Ki ma yala awyefafaʔaba bí bo wa nyumu ni me. Kajɛnʔɛ ke da lɛŋɛ wa namuru ní tra ní ti yugu na ge.»

Nyɛʔɛlɛ li dá nya ajobo tyɛnʔɛ, ní kàʔà ajobo woʔo ní aflolobo hanri ní, ajoyribi nì be banmɛ ge. À liʔi nya kí nyɛ kmaʔa.