Vèsè popilè nan Bib la ki soti nan Tekang Kbuten 6

Pataje

tey keblat nawahen bè yóm tehe kmoen kul ne yóm kehnóen kul talak tonok. Lemwót bè yóm tey kegselen

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le

Okóm wen sotu tau boluyen Nuwa gónón hol hyu nawa Dwata.

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

yó gónón mon du, “na gotu genlà lu dé ni kem tau deng nmou ni, dalang se yó kem ógóf ne yó kem onuk koyu, abay se gsele bè yóm kmou kul.”

Deng le gotu mból bè klamangen benwu ne yó kem tau ne wen kem ngà le libun. Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le. Yó gónó Dwata mudél, monen, “Là bude móyô ne ke henlósu htahà klowil le yó kem tau, yakà olo le tau te tonok. Lenwóten ni ne, laen dù bélê le ke gulé bè 120 halayen.” Bè yóm kul kdaw yó ne balù bè yóm kogolen, tey wen kem tau lembang nô talak tonok, kem tau semfu gu bè yó kem libun te tonok yehen yó kem lemwót gu bè longit yó koni. Tey wen gendeng le yó kem tau lembang yó ne tey le tótól bè yóm kul kdaw.

Tahu se, gotu nmò Nuwa yóm kdê deng hmò Dwata du.”

Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

Bong kóm du, moi kafal bong, nngomem koyu mtétél. Nmoem kem dfélen, denketem yóm sotu kay litok koyu gu lemen ne gu bè lewaen.

Laen dù tau ton Dwata talak tonok ke nô bè nawahen yóm hyu. Tódô kdê le gotu mò sidek.

Miti ket stengeb bè yó kem kentihen ógóf lemowil talak tonok ne kentihen onuk koyu anì gomong le mowil bélê ye.