Vèsè popilè nan Bib la ki soti nan MATIUS 6

Pataje

Ndad̄i, usaha wa'upu loakud̄u Ruma Hatalla maparenta d̄i ade morimu ro karawipu au rakane'e-Na. Ndad̄i sara'a ma kalai nambeiku b̄a Ruma Hatalla d̄i ru'u nggomi.

B̄ara ndedena, aina daruramu d̄i ru'u b̄a naisi, b̄ara naisi wara wali darura ndaina. Sanai ake ncihi wa'umpa susana, aina sala'i wali.”

B̄ara ndedena kawarapu; aina ipi daruramu mab̄oha d̄i ru'u b̄a morimu, eded̄u auku d̄i ngaha ra nono b̄a nggomid̄oho, atao auku d̄ikani ra lombo b̄a nggomid̄oho. Sab̄ua lainsi ngaha ra nono ncewi pentipu mori, ro kani ra lombo ncewi pentipu sarumbu?

Pala nggara nggomid̄oho mado'asi, lu'upu d̄i ade b̄ili ro kempapu ncai, edempara do'apu d̄i Amamu ma wati loa d̄i eda ede. Ndad̄i Amamu ma eda rawimu ma ili weki d̄imambei ufa d̄i ru'u nggomi.

Ndad̄i do'apu b̄une ake, ’Ama madad̄oho ma wara d̄i saroga: Ita Ruma Hatalla ma Kese Weki Raho-raho to'impa Ita Ruma d̄i nemba ro d̄i horoma. Ita Sangaji la madad̄oho. Raho-raho to'impa Ita maparenta d̄i dunia ro d̄ikane'ekai b̄a Ita d̄ito'akai b̄une d̄i saroga.

Mbei to'ipu la madad̄oho ngaha ra nono d̄i paralu b̄a la madad̄oho d̄i ru'u sanai ake.

Kangampu to'i weapu samenana ncara ra kancaru la madad̄oho, b̄une la madad̄oho mawa'ura kangampu wea ncara ra kancaru dou d̄i la madad̄oho.

Aina co'omu la madad̄oho sampe mborakai imbi la madad̄oho d̄i Ita Ruma wakatu d̄i coba. Pala hori to'ipu la madad̄oho rad̄i kuasa Ibilis. [B̄a ndai Ita Rumaku Sangaji ma ntau kuasa, ro mad̄ese ra ntasa ru'u santoi-ntoina. Amin.]

Nggara nggomid̄oho makangampu weasi ncara ra kancaru dou d̄i nggomi, Amamu d̄i saroga rau nakangampu weaku ncara ra kancaru nggomi.

Tiopu nasi ese woha ai. Siad̄oho wati nggud̄ana, wati pakona, ro wati kab̄oro rauna hasi nggud̄a ra conggena d̄i ade jompa. Konena ndede Amamu ma d̄i saroga nantadiku siad̄oho! Lainsi ncewi ntaupu co'i nggomid̄oho ntewi kaisi nasi?

”Aina kab̄oromu ntau ra wara d̄i ru'u b̄a sarumbumu d̄i dunia, d̄i ngaha b̄a ane ro iha b̄a roka ro namai mpangaku b̄a dou mampanga. Pala, kab̄oropu ntau ra wara d̄i saroga, mawati loa ngaha b̄a ane ro wati iha b̄a roka, ro dou mampanga wati loana mai mpanga. B̄ara tab̄e warakai ntau ra waramu ta ede rauku fiki rakananumu!”

”Wati wara kone sab̄ua dou rau maloa karawi d̄i ru'u b̄a d̄ua mbua ruma. B̄ara sia na'ipipu mecina d̄i sab̄ua ntewi kaisi d̄imakalai. Atao sia na'ipipu to'ana d̄i rumana ma sab̄ua ntewi kaisi d̄imakalai. Ndede rau lab̄o nggomid̄oho. Nggomid̄oho wati laoamu karawi d̄i ru'u b̄a Ruma Hatalla ro d̄i ru'u ntau ra wara rau.

Mpori d̄i so woko sanai ake ro naisi d̄ika'a kampoi. Pala Ruma Hatalla nakakani kantikaku mpori ede mawancu ntika. Au walipu nggomid̄oho! Pala nggomid̄oho kura imbimu!

Pala nggomid̄oho, mambeisi sadeka mbeipu kai midi-midi, loakud̄u wati wara dou ma b̄adena. Co'opu au rakarawimu ede wati d̄i b̄ade b̄a cou-cou, selasi Amamu d̄i saroga. Sia na'edaku rakarawimu macili weki ede ro nambeiku ufa d̄i ru'u b̄a nggomi.”

”Kawarapu, aina nggomid̄oho karawimu raparenta agama d̄i tando dou mamboto loakud̄u eda b̄a dou. Nggara nggomid̄oho mandedesi rawimu, nggomid̄oho wati pehe d̄imbei ufa b̄a Amamu d̄i saroga.

”Nggara nggomid̄oho mapuasasi, aina kamale pahu b̄une dou ma ca'u coro-coro. Siad̄oho nandawiku pahuna loakud̄u b̄ade sara'a b̄a dou b̄a one siad̄oho puasana. Kawarapu, edeku ufa rawa'una tarima b̄a siad̄oho. Pala nggara nggomid̄oho mapuasasi, wacapu pahumu ro caupu honggomu, loakud̄u wati wara dou ma b̄adena b̄a one nggomid̄oho mapuasa, selasi Amamu ma wati loa d̄i eda edempa ma b̄adena. Sia na'edaku ruku ra rawi nggomid̄oho ma ili weki ede ro nambeiku ufa d̄i ru'umu.”