Vèsè popilè nan Bib la ki soti nan Iohane 3

Pataje

Ánti kamahilena ahiꞌna Pueꞌ Ala i upu-upu tauna i duniáꞌ, onoꞌ haneꞌi Napeweꞌi miꞌi ÁnáꞌNa to HaduduáNa, bona heáná peá to mepoinálái i Hia, tiꞌara ina tegááki hangko i Pueꞌ Ala duuꞌna i rue-ruena, agáiáná ina molámbiꞌ katueꞌ to maroꞌa to tiꞌara mokahópóꞌá.

Pueꞌ Ala tiꞌara mohuoꞌ ÁnáꞌNa mai i duniáꞌ bona mohuku tauna. TunggáiáNa mohuoꞌ mai ÁnáꞌNa bona mohómpóki tauna hangko i huku dósá.

Nauliꞌ Iesu, “Toꞌu ntepuꞌu laluitaNgkuꞌ deꞌe: ane tauna tiꞌara rapoánáka huleꞌ, tiꞌara peisá mewaliꞌ taunána Pueꞌ Ala i lalu popárentáNa.”

Tauna to mepoinálái i Ánáꞌna Pueꞌ Ala, tiꞌaraheꞌ ina rahuku. Agáiáná tauna to tiꞌara mepoinálái, manótó miꞌi kaꞌina nahukuraꞌ Pueꞌ Ala, láwiꞌ tiꞌaraheꞌ mepoinálái i Ánáꞌna Pueꞌ Ala to HaduduáNa.

Haweꞌ miꞌi Ánáꞌna Pueꞌ Ala i duniáꞌ moánti kamabaa i upu-upu tauna. Agáiáná tauna moundeꞌ mani kamakáindi haneꞌi kamabaa, láwiꞌ kadake bábehiáraꞌ, onoꞌ miꞌi haneꞌi ina nahukuheꞌ Pueꞌ Ala.

láwiꞌ kamarue-rueá, hangaꞌNa riꞌi to hangaa-ngaa melumbuꞌ karaisána tauna haneꞌi hangaꞌkuꞌ.”

Upu-upu tauna to mobábehi to kadake, mokáhihiꞌheꞌ kamabaa. Tiꞌaraheꞌ mau mohungkuki kamabaa iti bona tiꞌara tongawaꞌ bábehiáraꞌ to kadake.

Tauna to mepoinálái i ÁnáꞌNa iti, molámbiꞌmoheꞌ katueꞌ to maroꞌa to tiꞌara mokahópóꞌá. Tauna to tiꞌara mengkoruꞌ i Ánáꞌna Pueꞌ Ala, tiꞌaraheꞌ molámbiꞌ katueꞌ, ngkáliꞌna riꞌi molámbiꞌraheꞌ pehukuna Pueꞌ Ala to tiꞌara mokahópóꞌá.

Hangkoia toSáráeliꞌ i pádá loriꞌ nahukuheꞌ Pueꞌ Ala haneꞌi ratilóꞌheꞌ lelótó. Mewaliꞌ Musa mobábehi lelótó hangko i tembaga, napatakaꞌ i kau haneꞌi natindiká, bona heáná to mampengoaꞌ lelótó iti ina mauriꞌ hai tueꞌheꞌ. Noꞌonoꞌ woꞌo Ánáꞌ Mánusiá hangaa-ngaa raꞌaró i kau mombehape

Pueꞌ Ala Umántaꞌ mampokaꞌahiꞌ ÁnáꞌNa hai mampoweꞌi miꞌi upu-upu kuasaꞌNa.