Vèsè popilè nan Bib la ki soti nan Yuḥanna 6

Pataje

Inna-asen Ƹisa: "Nec ḏ aɣrum n ṯuḏarṯ. Wenni iy ɣari d ɣa yasen war itȓizi ƹemmarṣ. Wenni zzayi ɣa yamnen war itfiḏi ƹemmarṣ.

Arruḥ n Arebbi ḏ netta iseddaren. Min iǧan ḏ bnaḏem war ineffeƹ i walu. Awaȓen iy ḏawem nniɣ, ḏaysen arruḥ ḏ ṯuḏarṯ.

War xeddmeṯ ca i ȓmakla ixessaren, xeḏmeṯ i ȓmakla itɣiman i ṯuḏarṯ n ȓebda. Ḏ ṯa ḏ ȓmakla ḏawem ɣa yuc Mmis n bnaḏem minzi wanita iḍbeƹ-iṯ Arebbi Babas s ṭṭabaƹ nnes."

Min ixes Baba? Ixes belli kuȓ wenni iẓrin Mmis yumen zzayes, aɣares ṯiȓi ṯuḏarṯ n ȓebda nec aṯiḏ sekkareɣ ḏi Nhar Aneggaru."

Inna-asen Ƹisa: "Ḏ ṯa ḏ ȓxeḏmeṯ n Arebbi: Aḏ tamnem zi wenni iy d issekk netta."

Marra min ḏayi d iticc Baba itas-d ɣari. Wenni iy d itasen ɣari war ṯ siggwijeɣ ca.

Inna-as Simƹan Buṭrus: "A Siḏi, min iƹna wenni mani ɣa nraḥ? Cek ɣarek awaȓen n ṯuḏarṯ n ȓebda.

Aqa ḏ nec ḏ aɣrum iddaren iy d ihwan zeg ujenna. Marra wenni ɣa iccen zeg uɣrum-a aḏ iddar i ȓebda. Aɣrum-a iy ticceɣ nec ḏ ddat inu ḥima aḏ teddar ddunect-a."

War izemmar uȓa ḏ ijjen aḏ d yas ɣari illa meȓa s lʼiḏen n Baba iy ḏayi d issekken, nec aṯiḏ sekkareɣ ḏi Nhar Aneggaru.

Minzi aɣrum n Arebbi netta ḏ wenni iy d ihewwan zeg ujenna iticc-as ṯuḏarṯ i ddunect."

Nec ḏ aɣrum n ṯuḏarṯ.

Iysi-d Ƹisa aɣrum nni icekkar Arebbi, ifreq-iṯ i yinni iy ḏinni iqqimen. Ammu igga uȓa i iseȓman, ucin-asen ƹlaḥsab min rezzun. Wami jjiwnen, inna-asen i imeḥḍaren nnes: "Jemƹeṯ iȓeqquzen nni iceṭṭen ḥima war itemḍeyyiƹ walu."

Wami niṯni tuɣa uyuren can xemsa niɣ setta kilumit, ẓrin Ƹisa iggur x iḍaren x waman n ȓebḥar iqarreb-d ɣar ṯɣarrabut, nxeȓƹen s ṯiggwḏi. Inna-asen: "Aqa ḏ nec, war teggwḏem ca."