Vèsè popilè nan Bib la ki soti nan Mattheos 5

Pataje

Nakun petijanjan ideyapi qa koka oḣdateya iyeyapi śni, tuka petijanjan ihupa wan en ośtanpi, hecen tipi kin ohna owasin iyoyamwicaya ece He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Oyate iyoyanpa kin he niyepi. Otonwe wan paha akan kagapi kin he anaḣbepica śni ece.

Tona cante en ecepidan kin hena wicayawaśtepi; hena Wakantanka wanyakapi kta.

Tona woowotanna on wotektehdapi qa ipuzapi kin hena wicayawaśtepi ce; hena imnanpi kta.

Tuka miś heciciyapi; Tona tokaniyanpi kin hena cante wicakiya po; qa tona niyaśicapi kin hena wicayawaśte po; tona śicenidapi kin hena taku waśte ecawicakicon po; qa tona taku i en iyeniyanpi qa teḣiya nicuwapi kin hena wecekiye ewicakiciya po.

Tona cante mahen onśiic̣idapi kin hena wicayawaśtepi ce; maḣpiya wokiconze kin he tawapi ece.

Tona wookiye kagapi kin hena wicayawaśtepi; hena Wakantanka cinca ewicakiyapi kta.

Tona ceyapi kin hena wicayawaśtepi; hena wicakihnapi kta.

Tona woowotanna econpi kin on śicaya kuwapi kin hena wicayawaśtepi; maḣpiya wokiconze kin he tawapi ece.

Tona waonśidapi kin hena wicayawaśtepi; hena onświcadapi kta.

tohan aniiapi qa śicaya nicuwapi, qa miye on itonśniyan taku śica owasin eniciyapi kinhan, niyawaśtepi ece. Wiyuśkinpi qa nina cante waśte po, maḣpiya ekta ocinyopeniyanpi tanka yanka; wicaśta wokcan nitokam unpi qon hena iś eya hecen wicakuwapi qon.

Tona onśiḣanpi kin hena wicayawaśtepi; maka kin de tawapi kta.

Maka miniskuya kin he niyepi. Tuka miniskuya kin he skuye śni kinhan taku e on skuyeyapi kta he; hetanhan takudan okihi kte śni, tankan eḣpeyapi kta qa wicaśta amanipi kta.

Heon etanhan Niyatepi maḣpiya ekta un kin he owotanna ḣinca he iyecen niś eya owotanna ḣinca un po.

Tuka taku ehe cin, Han, han; Hiya, hiya, ecedan kta; taku dena sanpa kinhan he taku śica etanhan icage kta.

Iśta wanji iśta wanjidan on etanhan, qa hi wanji hi wanjidan on etanhan, keyapi nayaḣonpi. Tuka miś heciciyapi; Taku śica tokic̣onpi śni po; tuka tuwe tapon etapa eciyatanhan anipe cinhan unma eciyatanhan kipazo po.

Niiśta etapa eciyatanhan kin he waḣtaniniye cinhan hduśdoke c̣a eḣpeya wo; niiśta wanji atakuniśni kinhan he waśte kta, qa tancan ocowasin Wakanśica ti kin en ehpeniyanpi kte śni. Qa ninape etapa kin waḣtaniniye cinhan hdakse c̣a eḣpeya wo; nihuha wanjidan atakuniśni kinhan he waśte kta, qa tancan ocowasin Wakanśica ti kin en iyoḣpeniyanpi kte śni.