Vèsè popilè nan Bib la ki soti nan Matius 2

Pataje

A séra muntepla witu um walé, a milekla si Koki' itii karia si Maria si ina'-Na, a séra kumuruzla i mongkot wo mahsigi' ni Sia. Wukan nérala am pelélé'osan néra, an éndon néramé u mas, ung kamania wo u mur an iwéhé nérala wia ni Sia.

Si Yesus i nimatoumé witi Betlehem tana' Yudea, in toro niitu si kolano é si Herodes. Wéwéhan sé woopira tou tulap sé tototi'en sé witi sendangan a méyé, méikaayoma witi Yerusalem. Ni séra meligau wia sé tou witu, “Wisa si kolano né tou Yahudi si taré matoumé itii? Pahpaan niilek naimomé si tototi'en simerité witi sendangan si timuzu'mé ung kinatouan-Na wo ni kai niméyé i mémongkot wo sumigi' ni Sia.”

I nimileka si tototi'en itii, ni séra én totoz mahpaa-paaz.

Pahpaan witu un ipi, si Opo Empung nimapata'umo wia sé tou tulap sé tototi'en itii in tia'mo mawuri sumaup wia si Herodes, a séra mawurima witi tana' néra kimiita u lalan walina. I sé tou tulap sé tototi'en timula'umomé un tampa itii, si malaekat ni Opo Empung nimapaipima wia si Yusuf, ang kumuama, “Tumoozomé, ipahwalima si Koki' itii karia ni ina'-Na wo tumingkasoma mangé witi Mesir. Mento'pé'la wana makaz ni Aku kumuama wia ni ko sa toromo mawurimé, pahpaan si Koki' itii ém pahpenéron ni Herodes im wunu'en.”