Vèsè popilè nan Bib la ki soti nan Jɔɔŋ 1

Pataje

Ama nɩaa dɔnsʋŋ-na laaʋ, a laa ʋ wɩaa dii. Ŋɩɩ nɛ ʋ pɩba wombiiŋ dɩ ba wuo ŋaa Wɩa biiriŋ.

Ka dɩ Wɩa-na ŋaa dʋnɩa, wɩɩ-la fa hɛ nɩmɛ nɛ, ʋ fa hɛ Wɩa teeŋ nɛ. Ʋ dɩ Wɩa kala fa ŋaa kʋbala nɛ.

Pʋlʋŋ-la chaanɛ birimiŋ tʋɔŋ, biriŋ-la bɩ pʋlʋŋ-la wuo tɔ.

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Ʋ lɛ nɛ Wɩa to a ta kʋŋkala. Kʋŋkala tuo a hɛ dʋnɩa lɛ, dɩ ʋ dee bɩ ta. Wɩɩ-la fa weye nɛ a kɛŋ pʋlʋmʋŋ kaa kʋ pɩ nɩaa.

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Ʋ fa hɛ dʋnɩa-la lɛ Wɩa sɩ to ʋ lɛ ta nɛ, ama dʋnɩa nɩaa bɩ ʋ jɩŋ. Ʋ kɔ ʋ tɩtɩa jáŋ, ama ʋ jáŋ nɩaa bɩ ʋ laa.

Ŋɩɩ nɛ pʋlʋŋ-la tɩtɩa kʋ tuu dʋnɩa dɩ ʋ chaana hɛ nʋʋkala lɛ.

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.