Vèsè popilè nan Bib la ki soti nan ᒠᓐ 6

Pataje

ᒋᓴᔅ ᒪᒃ ᒋ ᐃᑕᐤ, “ᓂᔾ ᐊᐅᒄ ᐊᓐ ᐸᒂᓯᑭᓐ ᐊᓐᑕ ᒐᒋ ᐅᒋ ᐱᒪᑎᓯᑦ ᐊᐛᓐ᙮ ᐊᐛᓐ ᒪᒃ ᒐ ᐸᒋ ᓇᓯᒂ ᑭᔭ ᒐ ᐸᒋ ᑕᑈᔭᔨᒥᒂ, ᓇᒪ ᓂᑕ ᒥᓐ ᒋᑭ ᐅᒋ ᓯᐛᔪᐤ ᑭᔭ ᓇᒪ ᓂᑕ ᒥᓐ ᒋᑭ ᐅᒋ ᓄᑕᔭᐸᒂᐤ᙮

ᒥᒄ ᑲ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ᐃᑐᑎᒻ ᐅᔭ᙮ ᔅᒋ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮

ᐊᑲᐎᔾ ᐊᑐᔅᒐᒄ ᒥᒄ ᐊ ᐎ ᐱᐧᑯᑎᒪᓱᔭᒄ ᒥᒋᒻ ᐊᓐ ᒐ ᐃᔭᔪᐛᒡ, ᐃᔭᐱᒡ ᐎ ᐱᐧᑯᑎᒪᓱᒃ ᐊᓐ ᒥᒋᒻ ᑲᒋᒡ ᒐ ᑎᒂᒡ᙮ ᐃᔪᐤ ᐅᑯᓯᓴᓐ ᒋᑭ ᒥᔨᑯᐛᐤ ᒥᒋᒥᔪᐤ ᒐ ᐊᑲ ᓂᑕ ᐅᒋ ᔭᔪᓂᔨᒡ᙮ ᐛᔅ ᒋᓴᒪᓂᑐᐤ ᐅᑕᐎᒪᐤ ᒋ ᓄᑯᑕᐤ ᑕᑈ ᐊ ᓇᐊᔨᒪᑦ᙮”

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᐊᐅᒄ ᐅᔭ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᓯ ᐊᑐᔅᑯᐛᑭᓄᐅᑦ, ᒐᒋ ᑕᑈᔭᔨᒪᑯ ᐊᓂᔭ ᑲ ᐸᒋ ᐃᑎᓴᐛᑦ᙮”

ᒥᓯᐛ ᐊᓂᔭ ᐊᐛᔪᐛ ᐅᑕᐎᒪᐤ ᑲ ᐸᒋ ᒥᔨᑦ ᓂᑭ ᐸᒋ ᓇᑎᑯᒡ᙮ ᐊᓐ ᒪᒃ ᐊᐛᓐ ᒐ ᐸᒋ ᓇᓯᑦ ᓇᒪ ᓂᑕ ᓂᑭ ᐅᒋ ᐃᒐᓇᐤ᙮

ᒂ ᐃᓯ ᐎᑎᒪᑯᑦ ᓴᐃᒥᓐ ᐱᑕᕋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᐛᓐ ᒪᒃ ᒐ ᓂᑐᐛᐱᒥᒋᒡ ? ᒋᑦ ᐃᔨᒧᐅᓂᒡ ᐊᑯᑕ ᐛᒋ ᑎᒂᒡ ᑲᒋᒡ ᐱᒪᑎᓯᐅᓐ᙮

“ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ᐃᔅᒋᔄᑦ᙮

ᓇᒪ ᓂᑭ ᒋ ᐸᒋ ᓇᑎᒄ ᐊᐛᓐ ᐊᑲ ᓄᑕᐎᔭ ᐃᑐᑕᑯᒐ ᒐᒋ ᐸᒋ ᓇᓯᑦ᙮ ᒪᔅᑕᔾ ᒋᓯᑲᒐ ᒥᓯᐛ ᐊᐛᓐ ᐊᒋ ᐸᒋ ᓇᓯᑦ ᓂᑭ ᐅᓂᔅᑲᓇᐤ᙮

ᐊᓐ ᒪᒃ ᐸᒂᓯᑭᓇ ᒋᓴᒪᓂᑐᐤ ᑲ ᒥᔨᐛᑦ ᐊᐅᑯᓐ ᐊᓐ ᒋᒋᒋᓯᑯᒡ ᑲ ᐅᒋᐱᔨᑦ, ᑭᔭ ᐊᐅᒄ ᑲ ᒥᔭᑦ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐱᒪᑎᓯᐅᓂᔪᐤ,” ᒋ ᐃᑕᐤ ᒋᓴᔅ᙮

ᓂᔾ ᐊᐅᒄ ᐸᒂᓯᑭᓐ ᑲ ᒥᔨᐛᑦ ᐱᒪᑎᓯᐅᓂᔪᐤ᙮

ᐊᑯ ᒋᓴᔅ ᐛᑎᓇᑦ ᐊᓂᔭ ᐸᒂᓯᑭᓇ, ᒂ ᓂᓇᔅᑯᒪᑦ ᒋᓴᒪᓂᑐᐛ ᒂ ᐊᑎ ᒪᒪᑎᓂᒧᐛᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᐊᑎ ᒪᑎᓄᐛᔨᒋ᙮ ᐊᐅᑯᓐ ᑲ ᐃᑐᑐᐛᑦ ᑭᔭ ᐊᓂᔭ ᓂᒪᓴ᙮ ᒥᓯᐛ ᒪᒃ ᒥᒄ ᐛ ᐃᔅᐱᔅ ᒥᒋᓱᒡ ᒋ ᐃᔅᐱᔅ ᒥᒋᓱᐅᒡ᙮ ᐃᔅᐱ ᒪᒃ ᒥᓯᐛ ᐊᐛᓐ ᑲ ᑕᐱᔅᑯᔨᑦ, ᐊᑯ ᒋᓴᔅ ᐊᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒪᒧᓴᒋᓂᒧᒄ ᒥᓯᐛ ᑕᓐ ᐊᔅᐱᔅ ᐃᔅᑯᐱᔨᒡ, ᐊᑲᐎᔾ ᓇᔅᒡ ᐃᔭᔪᑕᑕᐤ ᒐᒂᓐ᙮”

ᓂᔅᑐ ᒪᒃ ᓇᐤ ᐊᔅᐱᓴᔨᒡ ᒋ ᐃᔅᐱᔅ ᐱᒥᔅᑲᒐᓂᒋ, ᐊᑯ ᒂ ᐛᐱᒪᒡ ᒋᓴᓴ᙮ ᒋ ᐸᒋ ᓇᑎᑯᐅᒡ ᐊᓐᑕ ᐅᐤᑎᒡ ᐊ ᑕᒡ ᓂᐱᒡ ᐊ ᐱᒧᑕᔨᒋ᙮ ᓇᔅᒡ ᒪᒃ ᒋ ᑯᔅᑕᒍᐅᒡ᙮ ᒋ ᐃᑎᑯᐅᒡ ᒪᒃ ᒋᓴᓴ, “ᐊᑲᐎᔾ ᑯᔅᑕᒋᒄ, ᐊᐅᒄ ᐛᔅ ᓂᔾ᙮”