Vèsè popilè nan Bib la ki soti nan Macce 5

Pataje

Te ali ɓo' na fuuɗeeɗi laampa ne a kuna na kanoh, a degana kay ŋ degohaaniŋ wa ne wa ñiiniɗ ɓi tuuƴi jen. Siñaariŋ ɗu joy ñiinoh ɗaa ŋ fiki ɓooɓi, ne ɓa hot tumohaaɗ ciŋ ɗu baahiɗ ci, ɓa yakiɗ Kooh Baabiŋ ɗu yi nik ŋ Eel ci.

E ɗu siñaariŋ adinaani, kur ki nik ŋ jol tango, wa minɗi ɗembɗu.

Ɓa neɓɗiɗ, ɓooɓi raak keeñ hooliɗ, laam ɓa hey hote Kooh.

Ɓa neɓɗiɗ, ɓooɓi aɗuk, sifaɗukka kipes yurhiɗ, laam ɓa hey hiƴe, ɓa kap nding.

Waaye mi na woyee ɗu ne, waaɗaat ɓooɓi sang ɗu, ɗu kiimɗee ɓooɓi na torhiɗee ɗu in baahiɗ.

« Ɓa neɓɗiɗ, ɓooɓi ruhsiɗ haf ciŋ ɓa, ɓa inahha ne ɓa etohiɗ Kooh, laam Nguuriŋ-Ɗafki wa wuu ɓa.

Ɓa neɓɗiɗ, ɓooɓi na waake jam ŋ harmban ɓooɓi, laam ɓa hey ɓeeɗkohse kuɓu Kooh.

Ɓa neɓɗiɗ, ɓooɓi na fuɗe, laam ɓa hey giifɗasse.

Ɓa neɓɗiɗ, ɓooɓi na mbugalse sagu yurhi ɓa yurah, laam Nguuriŋ-Ɗafki wa wuu ɓa.

Ɓa neɓɗiɗ, ɓooɓi na yirmohe, laam Kooh hey ɓa yirme.

Ɗu neɓɗiɗ, ne ɓooɓi ɓasee ɗu, ɓa mbugalee ɗu, ɓa leyɗohee ɗu na woo moɗaaɗi'iɗ nu nik saguuso ɗah. Sumaat keeh-keeh, laam aafi na sekee ɗu ŋ ɗafka yakiɗ, te ɗu inah ne ɓa mbugalohee woosuuɗ ci adug ɗu ɗaa.

Ɓa neɓɗiɗ, ɓooɓi soosiɗ ci, laam ɓeɗ eɗsan kehƴi.

E ɗu meɗaamiŋ Adina. Waaye meɗa kaɗ po wa jemisɗi ɗah, wa min jemɗohissu na ye ? Wa na raakisseeɗi etoh ɗal, wa mbetu, ɓooɓi dakee nga.

Kon kinaat raak sikka findi Baabiŋ ɗu yi nik ŋ ɗafki raakohɗi sikka.

Ɗu woo "ee" ɗah, wa nikaat "ee" ; ɗu woo "a'aa" ɗah, wa nikaat "a'aa". In nu ɗu deg nga ɗah, wa puloh Seytaani.

Ɗu kerhiɗ ne wa woyuuɗ ne : “ Has, e has na wirndee wa ; sis, e sis na wirndee wa. ” Waaye mi na woyee ɗu ne, kinaat wirndiɗkoh na ɓoyi na tumee ɗu in miskiɗ. Ɓo' laɓ ɗa paɗ ŋ kaɓaaɓ ñaahum ɗah, eɗaa ɗe wi tas.

Hasiŋ ɗa ñaahmi waaɗ ɗa ɓek ŋ bakaaɗ ɗah, nihsaa fu mbeta ; cir yino nihsuk ŋ faaniŋ ɗa, weɗ ngisoh wa jen, wa mbetu ŋ yongkaaha yakka. Yaahiŋ ɗa ñaahmi waaɗ ɗa ɓek ŋ bakaaɗ ɗah, nguɗaa jameet fu mbeta ; cir yino nihsuk ŋ faaniŋ ɗa, weɗ ngisoh wa jen, wa kaɗ ŋ yongkaaha.