Vèsè popilè nan Bib la ki soti nan Chɔɔn 10

Pataje

Jlǐ-nyɔ̍ nɔ̀ɔ̍, ɔ̍ ji̍-i ɔ̍ iě nyɔ̍ dbǎ, ɔ̍ iě jlǐ, ɔ̍ iě dɛ̍-ɛ gbɔ̀lɔ. Jɛ mɔ̍ɔ, ǐn ji̍-i wɛ̀ nyɔ̍-a feɛ-a tùlɛ̀ iě wɛ̀n i̍ tba̍-ɛ.

“Mɔ̍ bo ɔ̀ nu̍ blawɛ̌ᵻ we̍ i̍ gbɛ̀n nyɔ̍ chɛ̀. Blawɛ̌ᵻ we̍ i̍ gbɛ̀n nyɔ̍ chɛ̀ bo ɔ̀ sà ɔ̍ feɛ kwlǎ dǒ blawɛ̌ᵻ we̍.

Ǐn juo ǎn blawɛ̌ᵻ i̍, nɛ̀ i̍h-a wɔ̌n ǎn wlu̍-u i̍, iě i̍h-a wɔ̀ dǒ ǐn de̍e̍.

Wɛ̀ ǐn nyǐ i̍h kmɔ̌ sie feɛ, i̍h se̍ gba̍ mɛ̌. Nyɔ̍-o-nyɔ̍ se̍ i̍h ǐn kwa̍a̍ flǎ-a bɛ̌ɛ.

Mɔ̍ bo ɔ̀ nu̍ kòò-a wɔ̍n. Nyɔ̍ jɔ mu̍-a ǐn we̍ jii-ɛ, nɛ̀ ɔ̍ mu̍ pǔh. Nɛ̀ ɔ̍ mu̍ pa̍ sǐ sɔ̀n nu̍, wɛ̀ ɔ̍ iě di̍-dɛ̍ jě.

Mɔ̍ blawɛ̌ᵻ we̍ i̍ gbɛ̀n nyɔ̍ chɛ̀. Ǐn juo ǎn blawɛ̌ᵻ iě ǎn blawɛ̌ᵻ juo m.

Ǐn Baa ɔ̀ nyǐ-a i̍h m-ɛ, ɔ̍ ku̍ wɔ̍n ɔ̍ sìì dɛ̍ᵻ kli̍hgbɛ̍. Nyɔ̍-o-nyɔ̍ se̍ i̍h dě ǐn Baa kwa̍a̍ flǎ-a bɛ̌ɛ. Ǐn ke ǐn Baa ke à nɛ due.”

Ka ǐn Baa nu̍-a ǐn juo-ɛɛ, kǎ ǐn nu̍ ɔ̍ juo-ɛ ke. Ǎn sà ǎn feɛ kwlǎ dǒ blawɛ̌ᵻ we̍.

Nyɔ̍-ɔ sà ɛ̍ ǐn kwa̍a̍, ǎn wlùh-a pɛ̌n i̍ iě ǎn sà ɛ̍ kwlǎ. Nɛ̀ ǐn blě gbǐh iě ɛ̍ kwlǎ sà, iě ǐn blě gbǐh iě ɛ̍-ɛ dǔ dode̍. Ɛ̍ bo ǐn Baa poe ǐn slǔh iě nu̍.”

Ɛ̍ kɔn Jusu wlu dɛ dě u̍h we̍, ɔ̍ la̍a̍, “Tìh-a taǐn ǎn sèàɛ̍ mɔ̀ wlùh, mɔ̍ bo ɔ̀ nu̍ kòò-a wɔ̍n dǒ blawɛ̌ᵻ we̍.

Jɛ nyɔ̍ jɔ se̍-a blawɛ̌ᵻ kɔn wɛ̀ u̍h pɛ̌ɛ-a ɔ̍ ɔ̍ iě-a dǒ i̍h we̍ i̍ gbɛ̀n-ɛ, nɛ̀ ɔ̍ se̍ blawɛ̌ᵻ we̍ i̍ gbɛ̀n nyɔ̍ chɛ̀ɛ̌chɛ̀. Pò ɔ̍ jě gbɛ̍n-nmi̍ɛ̍ ja ji̍-ɛ, nɛ̀ ɔ̍ ple̍-e ɔ̍ sɔ dǒ blawɛ̌ᵻ we̍. Nɛ̀ pò ɛ̍ flǎ i̍h-a dɛ̍-ɛ, nɛ̀ i̍h gbà ja̍i̍.

Jusu la̍a̍, “Tìh-a taǐn ǎn sèàɛ̍ mɔ̀ wlùh, nyɔ̍ jɔ mu̍-a dě blawɛ̌ᵻá kòò di̍i̍ wɛ̀ ɔ̍ se̍-a dǒ ɛ̍ wɔ̍n we̍ jii, iě ɔ̍ jii-a tàdɔ̀ɔ̀-ɛ, nɛ̀ jlǐ-nyɔ̍ bo.