Vèsè popilè nan Bib la ki soti nan Johanị 15

Pataje

Une ne mpịkị gwa māfị̄lu, umwe mụli tusāmba. Uju linga ịkuja nkati mmyangu, nanịne nikujaga nkati mmyake, jo ịkupaga īseke sị nyịngị; namanga kisịtakuja nanịne mụkabagila ukubōmba sịmo.

Amụjege mụ nkāti mmyangu, bo papo nanịne ndi nkāti mmyinụ. Bo apa akasāmba kakabagila ukupa īseke kēne ịtolo linga katịkuja mụmpịkị gwa māfị̄lu, bo mụkujaga nanụmwe linga mụtịkuja nkāti mmyangu.

Linga umwe mụkuja mụ mmyangu, gōpe na masyu gangu gịkuja nkati mmyinụ, fyosa ifị linga mụkulōnda mụsūmege mụkupēlịgwaga.

Mụngātigi jo umwe mụ̄salịle une, himma, lolị jo une ne mbasalịle umwe, kangi mbasalịle ukuti mụbūkege mụkapege īseke, īseke isị sịkujako bwịla; ko kuti fyosa ifị linga mụkusūmila mụngamụ jangu kwa Tāta, abapege.

Akajako najumo ugwa lugano ulu lulukīndịle ulwa mụ̄ndu, uju ịkubutāga ubūmị, bwake panōngwa ja bamanyānị bāke.

Kōsa akasāmba aka kali mmyangu, aka katịkupa īseke, ko ịkukasōsyamo; kangi akasāmba kōsa aka kịkupa īseke, ko ikukapātilila ukuti kōngelēngepo ukupa īseke.

Ululagilo lwangu lo ulu: Amụgananege bo papo nanịne mmbaganịle umwe.

Tāta ịkukaba ubukulūmba apa linga umwe mụkupa īseke sị nyịngị, nukwịpela ukuja bafụ̄ndịgwa bāngu.

Une ne mpịkị gwa māfị̄lu nalolị, umwene Tāta ndimị.

Umụ̄ndu gwesa uju linga atịkuja nkāti mmyangu, jo ịkutāgịgwaga pānja kifwene bo akasāmba, ịkūmaga ịtolo. Utusāmba utūmụ bịkutubūngānịa nukututāga mmōto, tụkupya ịtolo.

Sịsịsị syo mbabūlịle ukuti ulusekelo lwangu lujege nkati mmyinụ, nukuti ulusekelo lwinụ lujege lupelelesye ịtolo.

Linga mụkusịkola īndagilo syangu, po mwịsakujaga mụ ndugano lwangu; bo apa nanịne nsịkolịle īndagilo sya Tāta, kangi ndi ndugano lwake.

Sịsịsị syo ngubalagila umwe nguti: Amụgananege.

Linga umwe mwali ba nkị̄su mụno ikị̄su angali kibaganịle umwe, mwe bāke. Lolị papo umwe mụkaja ba nkị̄su mụno, fyobēne ikị̄su kibabēngịle.