Vèsè popilè nan Bib la ki soti nan Locya 19

Pataje

O ko nyai rana ya am yako meykala so meyraraten a tao a kapatastas ko sira do teyngato.”

Maniring sira am, “Azwazwain ta o Panirsirngen ta a nitovoy ni Ama ta do to. So iyan na do teyngato no sarasaray a kano azwazway a mangay jimo, mo Ama do to.”

Maniring si Yeso jya am, “Yana nipanta inyo ni Ama ta do to so vayo a onowned nyo a asa ka vahay. Ta meyyangay kanyo a kano ineynapo nyo a si Apolahan a meyhanhan ni Ama ta do to.

Makaranes si Yeso do yanan na ori am to na nangara si Sakay. Maniring jya am, “Mo Sakay, agcin rana, ta mangay ko do vahay nyo sicyaraw eya.” Ori o nipeygegcin na rana ni Sakay a masaray a tomaotao si Yeso.

Am makaranes sira do vahay ni Sakay am taotawwen na si Yeso a kapacisirsiring na rana jya. Maniring am, “Mo Panirsirngen, to ko peyhataya o kangangay ko a itoro do ipangoyongoyod da tao. No si myan so tao a nipangamkaman ko so asa ranaw (100) am paolyan ko so apat a ranaw (400).”

Maniring sira ji Yeso o macizavoz do aro a tao a macyagom do Vadisay am, “Mo Mangnanao, pancyaney sira o yamacilolo jimo, ta ji sira meykazyazyak.” Maniring si Yeso am, “Ko pa ciring jinyo am no si ji sira meyzezyak am o vato rana ito am to macipalit a somaray nyaken.”