Vèsè popilè nan Bib la ki soti nan Matyù 5

Pataje

Ka pɨ̀ tswuʼə̀ e làamə̀ nkumnə̀ a ɨ̀sùmə nɨ̀kwùʼə̀, pɨ pa ntə̂ la àtwuə̀ aləŋə mbə̀ʼə â kyàʼà pànə̀ pɨ̀tsùmə̀ amwuə ndâ. Nɨ ndwuumə̀ wə̀, nɨ̀ ghɨ̀rə̀ nkàʼà ɨ̀wɨghə kɨrə̀ a ɨ̀myə̂ pə̀ənə̀, pobə zəənə̀ ngɨ̀rə̀ mɨ̀nwùə̀ ɨ̀zɨghə yɨ̀ ɨ̀shìʼnə̀ mbə̀ʼə tyiʼə̀ ghuʼtə̀ a Tǎ ɨwɨghə a nɨ̀pwuurə̀.”

“Pɨghə la nkaʼà amwuə àtwuə̀ ɨ̀shyə̂ zə̀. Mbə̀ʼə mbòmpə àlaʼà za nɨ pɨ korə̀nə àtwuə̀ kòŋə̀ la ɨ̀ laʼa ndə̀əmə̀ e apə̀.

Mborə̀ ɨ̀ chyə̂ ambo pànə̀ nɨ mɨ̀ntɨŋmə̀ ɨ̀mobə laanə̀nə, ntiinə pobə ghǎ zəənə̀ a Nẅùə̀.

Mborə̀ ɨ̀ chyə̂ ambo pànə̀ pa nɨ pobə mənə ntàʼà ghɨ̀rə̀ mɨ̀nwùə̀ nɨ mɨ təəmə̀nə a mbyə̀ Nẅùə̀, ntiinə pobə ghǎ zwurə̀.

La ngwə̀ nshwəŋə̀ a wɨghə lo nɨ̀ mə nkòŋə̀ ngàŋə mbwùunə̀ ɨ̀zɨghə, mmə nchàʼtə̀ a Nẅùə̀ àtwuə̀ pànə̀ nɨ pobə pa nnyàŋə̀ a wɨghə.

“Mborə̀ ɨ̀ chyə̂ ambo pànə̀ nɨ pobə fumə̀nə amwuə Àzhwùə̀, ntiinə ànwùə̀ Nɨ̀fò nɨ̀pwuurə̀ la àzobə.

Mborə̀ ɨ̀ chyə̂ ambo pànə̀ nɨ pobə pa nfàʼà lo àporə̀porə̀ â pə a tɨ̀tɨ̀rə̀ pə̀ənə̀, ntiinə pɨ ghǎ fuŋə̀ a ghobə nɨ ɨ̀poonə̀ pɨ Nẅùə̀.

Mborə̀ ɨ̀ chyə̂ ambo pànə̀ nɨ mɨ̀ntɨŋmə̀ ɨ̀mobə mənə nsòmnə̀, ntiinə Nẅùə̀ à ghǎ porəkə̀ mɨ̀ntɨŋmə̀ ɨ̀mobə.

Mborə̀ ɨ̀ chyə̂ ambo pànə̀ nɨ pɨ pa nnyàŋə̀ a ghobə, ntiinə pobə pa ngɨ̀rə̀ mɨ̀nwùə̀ nɨ mɨ təəmə̀nə, ànwùə̀ Nɨ̀fò nɨ̀pwuurə̀ la àzobə.”

Mborə̀ ɨ̀ chyə̂ ambo pànə̀ nɨ pobə pa nkoorə̀ mɨ̀lɨŋə̀ mɨ pə̀ənə̀, ntiinə Nẅùə̀ à ghǎ kɨ koorə̀ mɨ̀lɨŋə̀ ɨ̀mobə.

“Mborə̀ ɨ̀ chyə̂ ambo pɨghə mbə̀ʼə pɨ mə ndzòomə̀ a wɨghə, nnyàŋə̀ a wɨghə, nkɨ mmə nshwəŋə̀ mbuurə̀ ɨ̀nwùə̀ tɨ̀pòŋə̀ ɨ̀tsùmə̀ àtwuə̀ pɨghə tyìʼə̀ àfǐfǐ mbə̀ʼə mə̀. Nɨ̀ mə ngaʼà, nkɨ mə ntèrə̀ ntiinə mɨ̀ntsoʼnə̀ mɨ àfàʼà mɨ̀noʼnə chyə̂ ambo pɨghə a nɨ̀pwuurə̀. Ntiinə pɨ lə̀ kɨ nnyàŋə̀ ngàŋə ntwuumə̀ Nẅùə̀ zhyə̀ nɨ lə̀ pənə a mbyə̀ pɨghə.”

Mborə̀ ɨ̀ chyə̂ ambo pànə̀ nɨ pobə pa nshwuʼkə̀ mbɨ̀ŋmə̀ ɨ̀zobə a ɨ̀shyə̂, ntiinə pobə ghǎ kẅiirə̀ àzwuumə̀ nɨ Nẅùə̀ à kàʼnə ambo pobə.

“Pɨghə la ngwaŋə̀ mɨ àtwuə̀ ɨ̀shyə̂ zə̀. La ngwaŋə̀ tə pəla mbî nɨ̀lɨ̀ŋmə̀ e, pɨ pòŋə̀ ghɨ̀rə̀ lə ɨla lo mèrə chi ndɨ̀ŋmə̀? Ka àfàʼà e a chyə̂ mbə e ghu, mbòŋə̀ lo pɨ̀ kẅìrə̀ a mèrə pànə̀ tyiʼə̀ mmə nnyə̀nkə̀ nɨ mɨ̀kwùə̀.

Nɨ̀ ghɨ̀rə̀ mɨ̀nwùə̀ ɨ̀mɨghə mèrə təəmə̀ ɨ̀shìʼnə̀ tsaʼnə mɨ tǎ ɨwɨghə a nɨ̀pwuurə̀ kɨnə ntəəmə̀ ɨ̀shìʼnə̀ la.”

Nɨ̀ ghɨ̀rə̀ ‘ee’ ɨwɨghə â pə ‘ee,’ kə̀ ‘ngaŋə’ ɨwɨghə â pə ‘ngaŋə’; ànwùə̀ yè nyaanə nɨ nɨ̀ kẅìʼnə̀nə nshwəŋə̀ a furə̀ la ambo ngàŋə̀ àfɨ̀ghə̀.”

“Nɨ̀ lə̀ zuʼù mə tsaʼnə pɨ lə̀ shwəŋə̀nə lo, ‘Kẅuə̀ nɨ̀lyə̂ nɨ nɨ̀lyə̂, nkɨ nkẅuə̀ nɨsoŋə nɨ nɨsoŋə.’ La ǹshwəŋə̀ a wɨghə lo, kò nɨ̀ kẅuə̀ a tɨ̀pòŋə̀ àtwuə̀ tɨ̀pòŋə̀. Ŋwùə̀ à tə pəla ndùbə̀ nɨ̀ghə̀ʼə̀ ɨ̀tsô tsɨ̀ zɨghə̀nə, wə̀ pə̀ŋə̀ a chyə̀ ŋŋâ ambo ze.

Lenəla, nɨ̀lyə̂ ɨ̀tsô tsɨ̀ zɨghə̀nə tə pəla ngɨ̀rə̀ lo wə̀ ghɨ̀rə̀ ànwùə̀ tɨ̀pòŋə̀ wə̀ tsoʼò ngwaʼà. A pòŋə̀ ambo ghò a nɨ pî alaamə mbɨ̀ŋmə̀ o yètse ntsàarə̀ a nɨ màʼà mbɨ̀ŋmə̀ o ntsùmə̀ amwuə àkɨɨnə̀ ɨ̀mǔ. Mbə̀ʼə àpô o yè zɨghə̀nə a ghɨ̀rə̀ lo wə̀ kwuunə̀ amwuə ngɨ̀rə̀ ɨ̀nwùə̀ tɨ̀pòŋə̀ wə̀ lə̂ a zèrə ngwaʼà. A pòŋə̀ lo wə̀ pî a taʼà àpô o ntsàarə̀ a nɨ pî mbɨ̀ŋmə̀ o ntsùmə̀ amwuə àkɨɨnə̀ ɨ̀mǔ.”