Vèsè popilè nan Bib la ki soti nan Matteyo 6

Pataje

Ati ottifiati do Olobie Hollum iko erre hunna awak inyi; buo adi inyi ette isiarana jihatai erre hunnomuk hunia 'daŋ.

Tania, hèhawwati te erre huno motie; nyio, owoni adi ehawwata huno motie hama. Ijiara ettigemita huno oloŋ abotie, oremehini to oloŋ ania hama.

“Tania, eramak ni itai, hèhawwati te nesu hatai; ta anyio adi enne iŋiyete itai, ta anyio adi enne imatati itai; kuyya buo fe ta aboŋojin hunne iyyafana itai ihuattek. Obeŋ soho nesu hatai agalik aŋiyo? Obeŋi soho ahuattek hatai agalihini aboŋojin?

Ati elle imojo iyye, ojiŋak itua haji, ihianak ekat, itte mojo jio Monyohoi ollo obeŋ tulo igonyu. Buo Monyohoi elle igonyu 'to erre hunne ihanio iyye edimai, ette isiarana adi esiorio jihoi.

Ati omojoi ihuo ana: ‘Monye hohoi ollo owon idou, Ijiara abaŋi afure hoi onno olibo 'to Hetettu Nolobie hoi. Ijiara awahan hoi hétera ifau ihuo anna arari inyi idou.

Isiarak jihohoi ahana aŋiyo hohoi ottoloŋi.

Obusak epalita hohoi ihuo enne ebusaniere hohoi epalita waati hulle ihanie 'to onno orroho jihohoi.

Hèyaru hohoi jio ekemiti hunno ogoli 'to Ati itahoru hohoi jio Olorroho’

“Elle ibusana itai epalita waati hulle ihanie 'to onno orroho jihatai, obusak adi buo fe Monyatai ettedou epalita hatai.

Ike imijata aheny; obeŋi isi oyehini hinyomoti, kuyya odeŋuni himmai, buo fe obeŋi ottunani riŋ imuguo; ati itaŋiyo Monyatai ettedou isi. Ibiaŋata soho itai igalihina aheny?

“Hèttunana esamiti hatai jio afau ana, ŋadi eŋenyu iko oloŋoruo otuhi isi; buo fe ahahalak oremehini ihahalaru. Ati, ottunana esamiti hatai idou; amaji onno obiaŋari eŋenyu iko oloŋoruo oremehini ituk isi; buo fe ahahalak ittallihi ihahalaru isi. Nyio, odulo adi ataji hoi jio amaji onno ottunarik esamiti hoi.

“Obeŋ obo atulo oremik igiama jio elettaha arrihai; nyio, oliwari adi inyi abotie, buo ataji honyi obuor obotie; oniŋio adi inyi abotie, buo iyasio obotie. Ittallik iyye irahan a hegiamani Hollum buo fe a holo esamiti.

Ati, elle itiyyefio Hollum amiyaŋ otto mur, onno owon 'to ahana buo motie osuahini iyali, obeŋ 'tadi inyi itiyyef itai agalik 'daŋ? Aii, itai aati hullo omuta neruk!

Ati elle isio iyye aluahio jio olociaŋ, isiarak ollokuai, hèlaha obo atulo omijak, ara duadi bu motte hoi. Buo Monyohoi elle igonyu 'to erre hunne ihanio iyye edimai, ette isiarana adi jihoi esiorio.

“Ihumata mijio! Hèhaniete erre huno emojiti hatai Hollum ihosiere waati jio oŋida isi igonyuni. Nyio, elle ihaniete itai ihuo nyia, ibiaŋata adi itai irumana esiorita jio Monyatai ettedou.

“Elle iferuna itai, hètumuroto omomite ihuo etihanak huattek. Ibasani isi ahuattek hosi oŋida aati omijani aferuna hosi. Hode, eramak ni itai jio, arumani isi esiorita hosi. Ati elle iferuna itai, imujulati buo fe igugurutata oofir, oŋida aati obeŋi omijani aferuna hatai…arari fe Monyatai hama, ollo obeŋ tulo igonyu, omijak. Buo Monyohoi, elle igonyu 'to erre hunne ihanio iyye edimai, ette adi isiarana jihoi esiorio.